ವಿಕಲಚೇತನರ ಜತೆಸಮಾಲೋಚನೆ

Team Udayavani, May 10, 2018, 12:50 PM IST

ಬೆಂಗಳೂರು: ಬಸವವನಗುಡಿ ವಿಧಾನಸಭಾ ಕ್ಷೇತ್ರದ ಜೆಡಿಎಸ್‌ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಕೆ. ಬಾಗೇಗೌಡ, ಬುಧವಾರ ಹನುಂತನಗರ ಸೇರಿದಂತೆ ಸುತ್ತಮುತ್ತಲ ಭಾಗಗಳಲ್ಲಿ ಬಿರುಸಿನ ಮತಯಾಚನೆ ಮಾಡಿದರು. ನೂರಾರು ಕಾರ್ಯಕರ್ತರ ಜತೆ ಮನೆ ಮನೆ ಮತಯಾಚನೆ ನಡೆಸಿದ ಬಾಗೇಗೌಡ ಅವರು, ಕ್ಷೇತ್ರದ ಅಭಿವೃದ್ಧಿಯ ಗುರಿ ಹೊಂದಿರುವ ತಮ್ಮನ್ನು ಈ ಬಾರಿ ಶಾಸಕನಾಗಿ ಆಯ್ಕೆ ಮಾಡುವಂತೆ ಮನವಿ ಮಾಡಿದರು. ಸ್ಥಳೀಯ ಕಾರ್ಯಕರ್ತರು
ಮತ್ತು ವಿಶೇಷ ಚೇತನ ಮತದಾರರೊಂದಿಗೆ ಸಮಾಲೋಚನೆ ನಡೆಸಿ ಅವರ ಸಮಸ್ಯೆಗಳ ನಿವಾರಣೆಗೆ ಪ್ರಾಮಾಣಿಕ ಪ್ರಯತ್ನ ಮಾಡುವುದಾಗಿ ಭರವಸೆ ನೀಡಿದರು.

 ಹರಿಜನ ಕಾಲೋನಿ ಹಕ್ಕುಪತ್ರ ವಿತರಣೆ, ಸ್ಥಗಿತಗೊಂಡಿರುವ ಬೋರ್‌ವೆಲ್‌ಗ‌ಳ ಪುನರ್‌ ಚಾಲನೆ , ರಾತ್ರಿ ವೇಳ ಸರಗಳ್ಳತನ ತಡೆಯಲು ಸೂಕ್ತ ಕ್ರಮದ ಭರವಸೆ ನೀಡುವಂತೆ ಸ್ಥಳೀಯವರು ಮನವಿ ಆಲಿಸಿದರು, ಅಲ್ಲದೆ, ತಾವು ಶಾಸಕನಾಗಿ ಆಯ್ಕೆಯಾದರೆ ತಮ್ಮೆಲ್ಲ ಸಮಸ್ಯೆಗಳನ್ನು ಪರಿಹರಿಸುವುದಾಗಿ ತಿಳಿಸಿದರು. ಜತೆಗೆ ಕೆಂಪೇಗೌಡ ಈಜುಕೊಳವನ್ನು ಸಂಪೂರ್ಣವಾಗಿ ಮಹಿಳೆಯರ ಬಳಕೆಗೆ ಮಾತ್ರ ಅವಕಾಶ ಕಲ್ಪಿಸಲು ಮುಂದಾಗುತ್ತೇನೆ ಎಂದರು.