Drink and drive: ಸಂಚಾರ ಪೊಲೀಸರ ಬಲೆಗೆ ಬಿದ್ದ ಒಂಬತ್ತು ಮದ್ಯಾಸುರ ಚಾಲಕರು  

Team Udayavani, Jan 27, 2024, 1:49 PM IST

ಬೆಂಗಳೂರು: ಬೆಂಗಳೂರು ಸಂಚಾರ ವಿಭಾಗದ ಪೊಲೀಸರು ಮದ್ಯಪಾನ ಮಾಡಿ ಬಸ್‌ ಚಲಾಯಿಸುವ ಚಾಲಕರ ವಿರುದ್ಧ ಗುರುವಾರ ರಾತ್ರಿ ನಡೆಸಿದ್ದ ವಿಶೇಷ ಕಾರ್ಯಾಚರಣೆಯಲ್ಲಿ 9 ಚಾಲಕರು ಸಿಕ್ಕಿ ಬಿದ್ದಿದ್ದಾರೆ.

ಬೆಂಗಳೂರಿನ ವಿವಿಧೆಡೆ ಜ.25ರಂದು ರಾತ್ರಿ 8 ರಿಂದ 11.30 ರವರೆಗೆ ಮದ್ಯಪಾನ ಮಾಡಿ ಖಾಸಗಿ ಬಸ್‌ ಚಾಲನೆ ಮಾಡುವ ಚಾಲಕರ ವಿರುದ್ಧ ಸಂಚಾರ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು. ಒಟ್ಟು 881 ಬಸ್‌ಗಳನ್ನು ತಪಾಸಣೆ ಮಾಡಲಾಗಿತ್ತು. ಈ ಪೈಕಿ 9 ಬಸ್‌ ಚಾಲಕರು ಮದ್ಯ ಸೇವಿಸಿರುವುದು ಪತ್ತೆಯಾಗಿದೆ. ಚಾಲಕರ ವಿರುದ್ಧ ಪ್ರಕರಣ ದಾಖಲಿಸಲಾಗಿದ್ದು, ಚಾಲನಾ ಪರವಾನಗಿಯನ್ನು ಅಮಾನತುಗೊಳಿಸಲು ಆರ್‌ಟಿಓ ಕಚೇರಿಗೆ ಕಳುಹಿಸಲಾಗಿದೆ. ಕರ್ಕಶ ಹಾರ್ನ್ ಸಂಬಂಧ 595 ಮಂದಿ ವಿರುದ್ಧ ಪ್ರಕರಣ, ದೋಷಪೂರಿತ ಸೈಲೆನ್ಸರ್‌ ಬಳಸುತ್ತಿದ್ದ 100 ಮಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ.

ಮದ್ಯ ಸೇವಿಸಿದ ಬಸ್‌ ಚಲಾಯಿಸುವವರ ವಿರುದ್ಧ ಕ್ರಮ ಕೈಗೊಳ್ಳುತ್ತೇವೆ ಎಂದು ಸಂಚಾರ ವಿಭಾಗದ ಜಂಟಿ ಪೊಲೀಸ್‌ ಆಯುಕ್ತ ಅನುಚೇತ್‌ ಎಚ್ಚರಿಸಿದ್ದಾರೆ.