ರಂಗವಸಂತ ವಿಶೇಷ ರಂಗೋತ್ಸವಕ್ಕೆ ಚಾಲನೆ

Team Udayavani, Apr 3, 2018, 12:33 PM IST

ಬೆಂಗಳೂರು: ರವೀಂದ್ರ ಕಲಾಕ್ಷೇತ್ರದಲ್ಲಿ ಹಮ್ಮಿಕೊಂಡ ಒಂಬತ್ತು ದಿನಗಳ ರಂಗವಸಂತ ವಿಶೇಷ ರಂಗೋತ್ಸವಕ್ಕೆ ಸೋಮವಾರ ಚಾಲನೆ ದೊರೆಯಿತು.  ಕೇಂದ್ರ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಡಾ.ಚಂದ್ರಶೇಖರ  ಕಂಬಾರ ರಂಗೋತ್ಸವಕ್ಕೆ ಚಾಲನೆ ನೀಡಿ, ಭಾಷಾ ವೈವಿಧ್ಯತೆ ನಡುವೆಯೂ ತುಂಬಾ ಪರಿಣಾಮಕಾರಿಯಾಗಿ ಸಂವಹನ ನಡೆಸುವ “ವಾಲಿವಧೆ’ ನಾಟಕ ಪ್ರದರ್ಶನ ನನಗೆ ರಂಗಭೂಮಿಯ ಬಗ್ಗೆ ಭರವಸೆ ಮೂಡಿಸಿದೆ ಎಂದು ಹೇಳಿದರು. 

ನಾನು ಅನೇಕ ರಂಗಭೂಮಿ ಮತ್ತು ರಂಗ ಪ್ರಯೋಗಗಳನ್ನು ನೋಡಿದ್ದೇನೆ. ಆದರೆ, ಕುವೆಂಪು ಅವರ ರಾಮಾಯಣದರ್ಶನಂ ಹಳೆಗನ್ನಡ ಕಾದಂಬರಿಯಾಗಿದೆ. ಆದಾಗ್ಯೂ ಈ ಕೃತಿ ಆಧಾರಿತ “ವಾಲಿವಧೆ’ ಪರಿಣಾಮಕಾರಿಯಾಗಿ ಸಂವಹನ ನಡೆಸುವಲ್ಲಿ ಯಶಸ್ವಿಯಾಗಿದೆ. ಹಾಗಾಗಿ, ಇದು ರಂಗಭೂಮಿ ಬಗ್ಗೆ ನನಗೆ ಭರವಸೆ ಮೂಡಿಸಿದೆ ಎಂದರು. 

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ನಿರ್ದೇಶಕ ಎನ್‌.ಆರ್‌. ವಿಶುಕುಮಾರ್‌ ಉಪಸ್ಥಿತರಿದ್ದರು. ನಂತರ ಎಂ. ಗಣೇಶ್‌ ನಿರ್ದೇಶನದಲ್ಲಿ ಗಜಾನನ ಯುವಕ ಮಂಡಳಿಯಿಂದ ಕುವೆಂಪು ಅವರ “ರಾಮಾಯಣದರ್ಶನಂ’ ಆಧಾರಿತ “ವಾಲಿವಧೆ’ ನಾಟಕ ಪ್ರದರ್ಶನಗೊಂಡಿತು.