ಫ್ಯಾಷನ್‌ ಉತ್ಸಾಹಕ್ಕೆ ಪ್ರೋತ್ಸಾಹ

Team Udayavani, Jun 27, 2018, 11:53 AM IST

ಬೆಂಗಳೂರು: ಸಿಲ್ವರ್‌ ಸ್ಟಾರ್‌ ಸ್ಕೂಲ್‌ ಆಫ್ ಫ್ಯಾಷನ್‌ ನಗರದ ಕ್ಯಾಪಿಟಲ್‌ ಹೋಟೆಲ್‌ನಲ್ಲಿ “ಪ್ರಿನ್ಸ್‌ ಅಂಡ್‌ ಪ್ರಿನ್ಸ್‌ಸ್‌ 2018′ ಫ್ಯಾಷನ್‌ ಶೋ ಆಯೋಜಿಸಿತ್ತು. ಕಾರ್ಯಕ್ರಮಕ್ಕೆ ಧಾರವಾಹಿ ನಟಿ ರಂಜನಿ ಅವರು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು. 

 ಈ ವೇಳೆ ಸಿಲ್ವರ್‌ ಸ್ಟಾರ್‌ ಸಂಸ್ಥೆಯ ಜೆ.ಎನ್‌.ರವಿ ಮಾತನಾಡಿ, ಯುವ ಹಾಗೂ ಉತ್ಸಾಹಿ ಪ್ರತಿಭೆಗಳು ತಮ್ಮ ಫ್ಯಾಷನ್‌ ಸಾಮರ್ಥ್ಯ ತೋರಿಸಲು ಇದೊಂದು ಉತ್ತಮ ವೇದಿಕೆಯಾಗಿದೆ. ಈ ಕಾರ್ಯಕ್ರಮ ಮೂಲಕ ಫ್ಯಾಷನ್‌ ಜಗತ್ತಿಗೆ 47 ಮಂದಿ ರೂಪದರ್ಶಿಯರನ್ನು ನೀಡುತ್ತಿದ್ದೇವೆ ಎಂದರು.

ಕರ್ನಾಟಕ, ಆಂಧ್ರಪ್ರದೇಶ, ಕೇರಳ, ತಮಿಳುನಾಡು ಮತ್ತು ತೆಲಂಗಾಣ ಒಳಗೊಂಡು ಐದು ರಾಜ್ಯಗಳ 25 ಪುರುಷ ಮತ್ತು 22 ಮಹಿಳಾ ರೂಪದರ್ಶಿಯರು ಫ್ಯಾಷನ್‌ ಶೋನಲ್ಲಿ ಭಾಗವಹಿಸಿದ್ದರು. ಪುರುಷ ವಿಭಾಗದಲ್ಲಿ ಬೆಂಗಳೂರಿನ ಅಭಿಷೇಕ್‌ ಹಾಗೂ ಮಹಿಳಾ ವಿಭಾಗದಲ್ಲಿ ಉತ್ತರ ಭಾರತ ಮೂಲದ ಕೀರ್ತಿ ವಿಜೇತರಾಗಿ ಹೊರಹೊಮ್ಮಿದ್ದಾರೆ.