Bengaluru: ರೈಲಲ್ಲಿ ಬಿಟ್ಟು ಹೋಗಿದ್ದ 5 ಲಕ್ಷ ಚಿನ್ನ ಪ್ರಯಾಣಿಕನಿಗೆ ಹಸ್ತಾಂತರ

Team Udayavani, Oct 31, 2024, 3:40 PM IST

ಬೆಂಗಳೂರು: ಶಿವಮೊಗ್ಗ-ಯಶವಂತಪುರ ರೈಲಿನಲ್ಲಿ ಪ್ರಯಾಣಿಕ ಬಿಟ್ಟು ಹೋದ ಸುಮಾರು 5.4 ಲಕ್ಷ ರೂ.ಮೌಲ್ಯದ ಚಿನ್ನದ ಆಭರಣಗಳಿದ್ದ ಬ್ಯಾಗನ್ನು ನೈಋತ್ಯ ರೈಲ್ವೆ ತಂಡ ಯಶಸ್ವಿಯಾಗಿ ವಶಪಡಿಸಿಕೊಂಡು ವಾಪಸ್‌ ಹಿಂದಿರಿಗಿಸಿದೆ.

ತುಮಕೂರು ಹೊರಠಾಣೆಯಲ್ಲಿ ರೈಲು ಸಂಖ್ಯೆ 16580ನಲ್ಲಿ ಚಿನ್ನಾಭರಣ ಹೊಂದಿರುವ ಬ್ಯಾಗ್‌ ಕಳೆದು ಹೋಗಿರುವ ಬಗ್ಗೆ ಮಾಹಿತಿ ಪಡೆದ ರೈಲ್ವೇ ಪೊಲೀಸರು ಕಾರ್ಯಪ್ರವೃತ್ತರಾಗಿದ್ದಾರೆ. ಯಶವಂತಪುರ ನಿಲ್ದಾಣದಲ್ಲಿ ರೈಲಿನ ಹಿಂಭಾಗದ ಸಾಮಾನ್ಯ ಬೋಗಿಯಲ್ಲಿ ಬ್ಯಾಗ್‌ ಪತ್ತೆಯಾಗಿದ್ದು, ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ ಅದರಲ್ಲಿ 40 ಗ್ರಾಂ ತೂಕದ ಮಂಗಳ ಸೂತ್ರ, 20 ಗ್ರಾಂ ತೂಕದ ಹಾರ, 1.40 ಲಕ್ಷ ಮೌಲ್ಯದ ಹಾರ, 50 ಸಾವಿರ ಮೌಲ್ಯದ 10 ಗ್ರಾಂ ತೂಕದ ಒಂದು ಜೋಡಿ ಕಿವಿಯೋಲೆಗಳು ಮತ್ತು 10 ಗ್ರಾಂ ತೂಕದ 70 ಸಾವಿರ ಮೌಲ್ಯದ ಸರವಿತ್ತು. ದಾಖಲಾತಿ ಪ್ರಕ್ರಿಯೆಯ ಅನಂತರ, ಎಲ್ಲಾ ಕಾನೂನು ಪ್ರಕ್ರಿಯೆಗಳನ್ನು ಅನುಸರಿಸಿ ಬೆಲೆಬಾಳುವ ವಸ್ತುಗಳನ್ನು ಅವುಗಳ ನಿಜವಾದ ಮಾಲಿಕರಿಗೆ ಹಸ್ತಾಂತರಿಸಲಾಯಿತು.