ಅದ್ವೈತ್‌ ಹ್ಯುಂಡೈನಿಂದ “ಫ್ರೀ ಕಾರ್‌ ಕೇರ್‌ ಕ್ಲಿನಿಕ್‌’

Team Udayavani, Apr 6, 2017, 12:15 PM IST

ಬೆಂಗಳೂರು: ಅದ್ವೈತ್‌ ಹ್ಯುಂಡೈ ದೇಶಾದ್ಯಂತ ತನ್ನ ಗ್ರಾಹಕರಿಗೆ 23ನೇ ಸರಣಿಯ “ಫ್ರೀ ಕಾರ್‌ ಕೇರ್‌ ಕ್ಲಿನಿಕ್‌’ ಸೇವಾ ಕಾರ್ಯಕ್ರಮವನ್ನು ಏ.11 ರವರೆಗೆ ಹಮ್ಮಿಕೊಂಡಿದೆ.

ಈ ಸಂದರ್ಭದಲ್ಲಿ ಹ್ಯುಂಡೈ ಮೋಟಾರ್‌ ಇಂಡಿಯಾ ಲಿ.,ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ವೈ.ಕೆ. ಕೂ ಮಾತನಾಡಿ, ಫ್ರೀ ಕಾರ್‌ ಕ್ಲಿನಿಕ್‌ಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿರುವುದರಿಂದ ಈ ಸೇವೆಯನ್ನು ಮುಂದುವರಿಸಿದ್ದೇವೆ.

ಕಾರಿನ ತಪಾಸಣೆ ಒಳಗೊಂಡಂತೆ ಇಂಜಿನ್‌, ಟ್ರಾನ್ಸ್‌ಮಿಷನ್‌, ಎಲೆಕ್ಟ್ರಿಕಲ್‌ ಸಿಸ್ಟಂ, ಅಂಡರ್‌ಬಾಡಿ, ಎಸಿ ಮುಂತಾದವುಗಳನ್ನು ಉಚಿತವಾಗಿ ಮಾಡಿಕೊಡಲಾಗುತ್ತದೆ. ಸ್ಪೇರ್‌ ಪಾರ್ಟ್ಸ್, ಲೇಬರ್‌ ಚಾರ್ಜಸ್‌ ಹಾಗೂ ಇತರ ವೆಚ್ಚಗಳ ಮೇಲೆ ರಿಯಾಯಿತಿ ನೀಡಲಾಗುತ್ತದೆ.

ಈ ಸೇವಾ ಕಾರ್ಯದಿಂದ ಗ್ರಾಹಕರ ಮತ್ತು ನಮ್ಮ ನಡುವಿನ ಸಂಬಂಧ ಮತ್ತಷ್ಟು ಗಟ್ಟಿಯಾಗಲಿದೆ ಎಂದು ಅವರು ತಿಳಿಸಿದರು.