ವರ್ತೂರು ಕರೆಯಲ್ಲಿ ಮತ್ತೆ ನೊರೆ

Team Udayavani, Dec 20, 2017, 12:10 PM IST

ಮಹದೇವಪುರ: ನೀರಿನ ಹರಿವು ಹೆಚ್ಚಾದಂತೆ ವರ್ತೂರು ಕೆರೆಯಲ್ಲಿ ನೊರೆ ಉಲ್ಬಣಗೊಳ್ಳುತ್ತಿದ್ದು, ಗಾಳಿಯ ರಭಸಕ್ಕೆ ರಸ್ತೆ ಮೇಲೆ ಹಾರುತ್ತಾ ವಾಹನ ಸವಾರರಿಗೆ ತೊಂದರೆ ನೀಡುತ್ತಿದೆ.

ಆಗಸ್ಟ್‌ನಿಂದ ಎರಡು ತಿಂಗಳ ಕಾಲ ಸುರಿದ ಮಳೆಯ ವೇಳೆಯಲ್ಲಿ ಅಧಿಕಗೊಂಡು ನಂತರ ಕ್ರಮೇಣ ಕಡಿಮೆಯಾದ ನೊರೆ ಈಗ ಮತ್ತೂಮ್ಮೆ ಉಲ್ಬಣಗೊಂಡು ಜನರನ್ನು ಕಾಡತೊಡಗಿದೆ, ವರ್ತೂರು ಕೆರೆಗೆ ಎರಡು ಕೋಡಿಗಳಿದ್ದು ಕೊಲಂಬಿಯಾ ಏಷಿಯಾ ಆಸ್ಪತ್ರೆ ಬಳಿ ವರ್ತೂರು ಜಂಕ್ಷನ್‌ ಬಳಿ ಒಂದು ಕೋಡಿಯಿದ್ದು ವರ್ತೂರು ಗ್ರಾಮದ ಬಳಿಯೊಂದು ಕೋಡಿ ಹರಿಯುತ್ತದೆ.

ವರ್ತೂರು ಕೆರೆಯ ಎರಡೂ ಕೆರೆಯ ಕೋಡಿಗಳಲ್ಲಿ ಕಳೆದೊಂದು ವಾರದಿಂದ ನೀರಿನ ಹರಿವಿನ ವೇಗ ಹೆಚ್ಚಿದ್ದು, ನೋರೆ ರಸ್ತೆಯಲ್ಲಿ ಸಂಚರಿಸುವ ವಾಹನಗಳ ಮೇಲೆ ಕೂರುತ್ತಿದೆ. ಇದರಿಂದ ದ್ವಿಚಕ್ರವಾಹನ ಸವಾರರು, ಕಾರು, ಲಾರಿ, ಬಸ್ಸುಗಳ ಚಾಲಕರು ಸಮಸ್ಯೆ ಎದುರಿಸುತ್ತಿದ್ದಾರೆ, ವರ್ತೂರು ಕೋಡಿಯಲ್ಲಿ ಬಿಡಿಎ ಒಂದೆಡೆ ಮಾತ್ರವೇ ಮೆಷ್‌ ಅಳವಡಿಸಿದ್ದರೂ ಪ್ರಯೋಜನವಿಲ್ಲದಂತಾಗಿದೆ.