ಇಂದಿನಿಂದ ಐದು ದಿನ ಸುಸ್ತಿರ ಕೃಷಿ ಕುರಿತ ಅಂತಾರಾಷ್ಟ್ರೀಯ ಸಮ್ಮೇಳನ

Team Udayavani, Oct 24, 2017, 12:04 PM IST

ಬೆಂಗಳೂರು: ಸುಸ್ತಿರ ಕೃಷಿಗೆ ಸಿಲಿಕಾನ್‌ ಪೋಷಕಾಂಶದ ಕೊಡುಗೆ ಕುರಿತ 7ನೇ ಅಂತಾರಾಷ್ಟ್ರೀಯ ಸಮ್ಮೇಳನ ಇಂದಿನಿಂದ (ಅ.24) ಆರಂಭವಾಗಲಿದೆ. ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಸಮ್ಮೇಳನದ ಕಾರ್ಯಕಾರಿ ಕಾರ್ಯದರ್ಶಿ ಡಾ.ಎನ್‌.ಬಿ. ಪ್ರಕಾಶ್‌, ಬೆಂಗಳೂರು ಕೃಷಿ ವಿವಿ ವತಿಯಿಂದ ಐದು ದಿನಗಳ ಕಾಲ ಸಮ್ಮೇಳನ ನಡೆಯಲಿದೆ.

ಜಪಾನ್‌, ಚೀನಾ  ದಲ್ಲಿ ಮಾತ್ರ ಇಂಥ ಸಮ್ಮೇಳನ ನಡೆದಿದ್ದು, ಬೆಂಗಳೂರಿನಲ್ಲಿ ನಡೆಯುತ್ತಿರುವುದು  ಏಷ್ಯಾದ 3ನೇ ಸಮ್ಮೇಳನವಾಗಿದೆ. ವಿವಿಧ ರಾಜ್ಯಗಳಲ್ಲಿ ಕೃಷಿ ಕ್ಷೇತಕ್ಕೆ ಸಂಬಂಧಿಸಿದಂತೆ ಸಿಲಿಕಾನ್‌ ಪೋಷಕಾಂಶದ ಸಂಶೋಧನೆ ಪ್ರಗತಿಯಲ್ಲಿದ್ದು, ಈ  ಕುರಿತ ಫ‌ಲಿತಾಂಶಗಳನ್ನು ವಿವಿಧ ದೇಶಗಳ ವಿಜ್ಞಾನಿಗಳು ಮಂಡಿಸಲಿದ್ದಾರೆ.

ಮೊದಲ ದಿನ ವಿಜ್ಞಾನಿ ಗಳ ತಂಡ ಕೃಷಿ ವಿಶ್ವವಿದ್ಯಾನಿಲಯಕ್ಕೆ ಭೇಟಿ  ನೀಡಲಿದ್ದು, ಅ.25ರಂದು ರಾಡಿ ಸನ್‌ ಬ್ಲೂ ಏಟ್ರಿಯಾ ಹೋಟೆಲ್‌ನಲ್ಲಿ ಕೃಷಿ ಸಚಿವ ಕೃಷ್ಣ ಬೈರೇಗೌಡ ಸಮ್ಮೇಳನಕ್ಕೆ ಚಾಲನೆ ನೀಡಲಿದ್ದಾರೆ. 28ರಂದು ನಡೆಯುವ ಸಮಾರೋಪ ಸಮಾರಂಭದಲ್ಲಿ ಭಾರತೀಯ ಕೃಷಿ ಅನು ಸಂಧಾನ ಪರಿಷತ್‌ ಉಪ ಮಹಾನಿರ್ದೇಶಕ ಡಾ.ಎಸ್‌.ಕೆ. ಚೌಧರಿ ಭಾಗವಹಿಸುತ್ತಾರೆ.