ಐಫೋನ್‌ ದರೋಡೆ: ಇಬ್ಬರ ಬಂಧನ

Team Udayavani, Mar 3, 2022, 11:30 PM IST

ಬೆಂಗಳೂರು: ರಸ್ತೆ ಬದಿ ನಿಂತು ಬೌನ್ಸ್‌ ವಾಹನ ಬುಕ್‌ ಮಾಡುವಾಗ ಮಾರಕಾಸ್ತ್ರ ತೋರಿಸಿ ಖಾಸಗಿ ಕಂಪನಿ ಉದ್ಯೋಗಿಯೊಬ್ಬರ ಐ-ಫೋನ್‌ ಕಸಿದು ಪರಾರಿಯಾಗಿದ್ದ ಇಬ್ಬರು ಕಳ್ಳರನ್ನು ಕೆಂಗೇರಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಚಂದಾಪುರದ ಸಲ್ಮಾನ್‌ (22), ಜೆ.ಜೆ. ನಗರದ ಇಂಜಮಾಮ್‌ (23) ಬಂಧಿತರು. ಆರೋಪಿಗಳಿಂದ ಒಂದು ಲಕ್ಷ ರೂ. ಮೌಲ್ಯದ 1 ಐ-ಫೋನ್‌, ಕೃತ್ಯಕ್ಕೆ ಬಳಸಿದ್ದ ದ್ವಿಚಕ್ರ ವಾಹನ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ಹೇಳಿದರು.

ಫೆ.25ರಂದು ದೂರುದಾರರು ಮುಂಜಾನೆ ಕೆಂಗೇರಿಯ ರಸ್ತೆಬದಿ ನಿಂತು ತಮ್ಮ ಐ-ಫೋನ್‌ನಲ್ಲಿ ಬೌನ್ಸ್‌ ವಾಹನ ಬುಕ್‌ ಮಾಡುತ್ತಿದ್ದರು. ಈ ವೇಳೆ ದ್ವಿಚಕ್ರ ವಾಹನದಲ್ಲಿ ಬಂದ ಆರೋಪಿಗಳು ಚಾಕುವಿನಿಂದ ಹಲ್ಲೆ ನಡೆಸಿ ಅವರ ಫೋನ್‌ ಕಸಿದು ಪರಾರಿಯಾಗಿದ್ದರು. ಈ ಸಂಬಂಧ ದೂರು ನೀಡಿದ್ದರು. ನಂತರ ಕಾರ್ಯಾಚರಣೆ ನಡೆಸಿ ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದರು.