ಗೊರುಚಗೆ ಕನ್ನಡ ಕಾಯಕ ಶ್ರೀ ಪ್ರಶಸ್ತಿ

Team Udayavani, Jan 24, 2018, 11:57 AM IST

ಬೆಂಗಳೂರು: ನಗರದ ಪ್ರತಿಷ್ಠಿತ ವಿಮಾನ ಕನ್ನಡ ಸಂಘ ನೀಡುವ ಕನ್ನಡ ಕಾಯಕ ಶ್ರೀ ಪ್ರಶಸ್ತಿ 2017ನೇ ಸಾಲಿನಲ್ಲಿ ಸಾಂಸ್ಕೃತಿಕ ಲೋಕದ ಸವ್ಯಸಾಚಿ ಡಾ.ಗೊ.ರು.ಚನ್ನಬಸಪ್ಪ ಅವರಿಗೆ ಘೋಷಿಸಲಾಗಿದೆ.

ಕನ್ನಡ ಕಾಯಕ ಶ್ರೀ ಪ್ರಶಸ್ತಿ 10 ಸಾವಿರ ನಗದು, ಪ್ರಶಸ್ತಿ ಫ‌ಲಕ, ಸ್ಮರಣಿಕೆ, ಫ‌ಲ-ತಾಂಬೂಲಗಳನ್ನೊಳಗೊಂಡಿರುತ್ತದೆ. ಜ. 28ರಂದು ಬೆಳಗ್ಗೆ 20 ಗಂಟೆಗೆ ಹಳೇ ಮಾನ ನಿಲ್ದಾಣ ರಸ್ತೆಯ ಎಚ್‌ಎಎಲ್‌ ಪೊಲೀಸ್‌ ಠಾಣೆ ಬಳಿ ಇರುವ ಪದ್ಮಶ್ರೀ ಡಾ.ವಿ..ಎಂ.ಘಾಟೆ ಸಭಾಂಗಣದಲ್ಲಿ ನಡೆಯಲಿರುವ ಸಂಘದ 12ನೇ ವಾರ್ಷಿಕೋತ್ಸವದ ವೇಳೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.

ಡಾ.ಜಿ.ಎಸ್‌.ಸಿದ್ದಲಿಂಗಯ್ಯ ಪ್ರಶಸ್ತಿ ಪ್ರದಾನ ಮಾಡಲಿದ್ದು, ಕನ್ನಡ ಪರ ಚಿಂತಕ ರಾ.ನಂ.ಚಂದ್ರಶೇಖರ ಅಭಿನಂದನಾ ನುಡಿಗಳನ್ನಾಡಲಿದ್ದಾರೆ. ನೌಕರರ ಸಂಘದ ಎರಡನೇ ಉಪಾಧ್ಯಕ್ಷ ಎಂ.ಸಿ.ಶಿವರಾಜ್‌ ಅಧ್ಯಕ್ಷತೆ ವಹಿಸಲಿದ್ದಾರೆ.

ವಿಮಾನ ಸಂಘದ ಕನ್ನಡ ಕಾಯಕ ಶ್ರೀ ಪ್ರಶಸ್ತಿಯನ್ನು ಇದುವರೆಗೆ ಕೆ.ಎಸ್‌.ಅಶ್ವತ್ಥ್, ಡಾ.ಎಚ್‌.ಎಸ್‌.ದೊರೆಸ್ವಾಮಿ, ಡಾ.ಸರೋಜಿನಿ ಮಹಿಷಿ, ಡಾ.ಎಂ.ಚಿದಾನಂದಮೂರ್ತಿ, ಡಾ. ಪುರುಷೋತ್ತಮ ಬಿಳಿಮಲೆ, ಬೆಳಗಾವಿಯ ರಾಘವೇಂದ್ರ ಜೋಷಿ ಸೇರಿದಂತೆ 10 ಮಂದಿಗೆ ನೀಡಿ ಗೌರವಿಸಲಾಗಿದೆ.