ಅಪೋಲೋ ಹಾಸ್ಪಿಟಲ್ಸ್‌ನಲ್ಲಿ ಕನ್ನಡ ರಾಜ್ಯೋತ್ಸವ

Team Udayavani, Dec 1, 2018, 12:33 PM IST

ಬೆಂಗಳೂರು: ರಾಜ್ಯದ ಏಕತೆಯ ಪ್ರತೀಕವಾಗಿ ಆಚರಿಸುವ ಕನ್ನಡ ರಾಜ್ಯೋತ್ಸವವನ್ನು ಅಪೋಲೋ ಹಾಸ್ಪಿಟಲ್ಸ್‌ ಹಾಗೂ ಅಪೋಲೋ ಬೆಂಗಳೂರು ಕನ್ಸಲ್ಟೆಂಟ್ಸ್‌ ಫೋರಂ ಜಂಟಿಯಾಗಿ ವಿಜೃಂಭಣೆಯಿಂದ ಆಚರಿಸಿದವು.

ಅಪೋಲೋ ಹಾಸ್ಪಿಟಲ್ಸ್‌ ಮುಖ್ಯಸ್ಥ ಡೇವಿಸನ್‌ ಅವರು ಜ್ಯೋತಿ ಬೆಳಗುವುದರ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ವೈದ್ಯಕೀಯ ಸೇವೆಗಳ ಮಹಾನಿರ್ದೇಶಕ ಡಾ. ಶಿವಕುಮಾರ ಶರ್ಮ, ಇಂಪೀರಿಯಲ್‌ ಹಾಸ್ಪಿಟಲ್‌ ಮತ್ತು ಪರಿಶೋಧನ ಕೇಂದ್ರದ ನಿರ್ದೇಶಕ ಡಾ. ವಿಶಾರ್‌ ಸೈಯದ್‌, ಎಬಿಸಿಎಫ್‌ ಅಧ್ಯಕ್ಷ ಡಾ. ಅರುಣ್‌ ನಾಯಕ್‌, ಎಪಿಸಿಎಫ್‌ ಕಾರ್ಯದರ್ಶಿ ಡಾ. ರಾಜೀವ್‌ ಮೊಗರ್‌, ರಾಜ್ಯೋತ್ಸವ ಸಂಭ್ರಮಣ ಸಮಿತಿ ಸದಸ್ಯ ಡಾ. ಪ್ರಶಾಂತ್‌ ಅರಸ್‌ ಉದ್ಘಾಟನಾ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.

ಆಸ್ಪತ್ರೆಯ ಸಿಬ್ಬಂದಿ ನಾಡಗೀತೆ ಹಾಡಿದ ನಂತರ ನಾಡಿನ ಶ್ರೀಮಂತ ವೈವಿಧ್ಯತೆ ಹಾಗೂ ಪಾರಂಪರಿಕ ಶೈಲಿಯ ಪ್ರದರ್ಶನ ನೀಡಿದರು. ಫ್ಯಾಷನ್‌ ಶೋ ಮತ್ತು ನೃತ್ಯ ಪ್ರದರ್ಶನ ಮತ್ತಿತರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು ಎಂದು ಆಸ್ಪತ್ರೆ ಪ್ರಕಟಣೆ ತಿಳಿಸಿದೆ.