ಪೊಲೀಸರ ಸೋಗಿನಲ್ಲಿ ಕಿಡ್ನಾಪ್‌: ಮೂವರ ಸೆರೆ

Team Udayavani, Nov 17, 2021, 11:45 AM IST

ಬೆಂಗಳೂರು: ಸಿಸಿಬಿ ಪೊಲೀಸರ ಸೋಗಿನಲ್ಲಿ ವ್ಯಕ್ತಿಯೊಬ್ಬರನ್ನು ಅಪಹರಿಸಿದ ಮಹಿಳೆ ಸೇರಿ ಮೂವರು ಆರೋಪಿಗಳನ್ನು ಇಂದಿರಾನಗರ ಪೊಲೀಸರು ಬಂಧಿಸಿ ದ್ದಾರೆ. ಉಪೇಂದ್ರಕುಮಾರ್‌, ಸಮೀರ್‌, ನೀಲಮ್ಮ ಎಂಬವರನ್ನು ಬಂಧಿಸಲಾ ಗಿದೆ. ಆರೋಪಿಗಳ ವಿರುದ್ಧ ನಾಗ ರಾಜು ಎಂಬುವರು ದೂರು ನೀಡಿದ್ದರು ಎಂದು ಪೊಲೀರು ತಿಳಿಸಿದರು.

ವಿದೇಶದಲ್ಲಿ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಕೆಲಸ ಮಾಡುತ್ತಿರುವ ನಾಗರಾಜ್‌ ಕೊರೊನಾ ಸಂದರ್ಭದಲ್ಲಿ ಭಾರತಕ್ಕೆ ವಾಪಸ್‌ ಆಗಿದ್ದರು. ಕೌಟುಂಬಿಕ ಕಾರಣಕ್ಕಾಗಿ 15 ಲಕ್ಷ ರೂ. ಅನ್ನು ಬ್ಯಾಂಕ್‌ನಲ್ಲಿ ಸಾಲಕ್ಕಾಗಿ ಓಡಾಡುತ್ತಿದ್ದರು. ಈ ವೇಳೆ ಆರೋಪಿ ಉಪೇಂದ್ರನ ಪರಿಚಯವಾಗಿದ್ದು, ಸಾಲ ಕೊಡಿಸುವುದಾಗಿ ಹೇಳಿದ್ದ.

ಇದನ್ನೂ ಓದಿ:- ಮುನ್ನೆಚ್ಚರಿಕೆ ವಹಿಸಿ ರೋಗ ಮುಕ್ತಗೊಳಿಸೋಣ: ಡಾ| ಶಂಕರ್‌ ಕೆ. ಟಿ.

ದಾಖಲಾತಿಗಳನ್ನು ಪಡೆದುಕೊಂಡಿದ್ದ ಆರೋಪಿ, ಖಾಸಗಿ ಬ್ಯಾಂಕ್‌ ವ್ಯವಸ್ಥಾಪಕರನ್ನು ಸಂಪರ್ಕಿಸಿದಾಗ 1.20 ಕೋಟಿ ರೂ.ವರೆಗೂ ಸಾಲ ಪಡೆಯಲು ಅರ್ಹರು ಎಂದಿದ್ದರು.

ಒಂದು ಕೋಟಿ ರೂ.ಗಾಗಿ ಅಪಹರಣದ ಪ್ಲಾನ್‌: ಉಪೇಂದ್ರ ಸಾಲದ ಅರ್ಜಿ ನೀಡಿ ಪರಿಚಿತೆಯಾಗಿದ್ದ ನೀಲಮ್ಮನನ್ನ ಸಂಪರ್ಕಿಸಿ ಪುಸಲಾಯಿಸಿ 5 ಲಕ್ಷ ರೂ. ಪಡೆದು ನಾಗರಾಜ್‌ ತೆಗೆದುಕೊಂಡಿದ್ದ ಸಾಲವನ್ನು ತೀರಿಸಿದ್ದ. ಈ ವಿಷಯವನ್ನು ನಾಗರಾಜ್‌ಗೂ ತಿಳಿಸಿದ್ದ. 1 ಕೋಟಿ ರೂ. ಸಾಲಕ್ಕೆ ಬೇಕಾದ ಎಲ್ಲಾ ದಾಖಲಾತಿ ಸಲ್ಲಿಸಿದ್ದ.

ಕೆಲ ದಿನಗಳ ಬಳಿಕ ಬೆಂಗಳೂರಿಗೆ ವಾಪಸ್‌ ಬಂದ ನಾಗರಾಜ್‌, ಸಾಲ ಮಂಜೂರಾತಿಗಾಗಿ ಅರ್ಜಿಗೆ ಸಹಿ ಹಾಕುವಾಗ 1 ಕೋಟಿ ರೂ.ಸಾಲಕ್ಕೆ ಅರ್ಜಿ ಹಾಕಿರುವ ವಿಚಾರ ಗೊತ್ತಾಗಿದ್ದು, ಉಪೇಂದ್ರನನ್ನು ವಿಚಾರಿಸಿದಾಗ ಸಾಲ ಪಡೆಯಲು ಸೂಚಿಸಿದ್ದ. ಅದೇ ವಿಚಾರಕ್ಕಾಗಿ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದಿದೆ.

ನಂತರ ತೀರಿಸಿರುವ 5 ಲಕ್ಷ ಜತೆಗೆ ಇನ್ನೂ 2 ಲಕ್ಷ ಕೊಡುವಂತೆ ತಾಕೀತು ಮಾಡಿದ್ದಾನೆ. ಅದಕ್ಕೆ ನಾಗರಾಜ್‌ ಒಪ್ಪದಿದ್ದಾಗ ಪ್ರಾಣ ಬೆದರಿಕೆ ಹಾಕಿದ್ದಾನೆ ಎಂದು ಪೊಲೀಸರು ಹೇಳಿದರು. ನಂತರ ನಾಗರಾಜ್‌ನನ್ನು ಅಪಹರಿಸಲು ಸಂಚು ರೂಪಿ ಸಿದ್ದ ಉಪೇಂದ್ರ, ತನ್ನ ಸಹಚರ ಸಮೀರ್‌ ಸುಪಾರಿ ನೀಡಿದ್ದ.

ಆ.9ರಂದು ಇಂದಿರಾನಗರ ಕೆಎಫ್‌ಸಿ ಸಿಗ್ನಲ್‌ ಬಳಿ ಸಿಸಿಬಿ ಇನ್ಸ್‌ಪೆಕ್ಟರ್‌ ಸೋಗಿನಲ್ಲಿ ಸಮೀರ್‌, ನಾಗರಾಜ್‌ನನ್ನು ಪರಿಚಯಿಸಿಕೊಂಡು ಕಾರು ಹತ್ತಿಸಿಕೊಂಡಿದ್ದಾನೆ. ಮಾರ್ಗ ಮಧ್ಯೆ ಆರೋಪಿ ಉಪೇಂದ್ರ ಹತ್ತಿದಾಗ ವಿಚಾರ ಗೊತ್ತಾಗಿದೆ. ನಂತರ 20 ದಿನಗಳ ಕಾಲ ಬಂಧನದಲ್ಲಿರಿಸಿಕೊಂಡು ನಿರಂತರವಾಗಿ ನಾಗರಾಜ್‌ ಮೇಲೆ ಹಲ್ಲೆ ಮಾಡಿದ್ದಾರೆ. ಬ್ಯಾಂಕಿನಿಂದ 4.5 ಲಕ್ಷ ರೂ. ಪಡೆದುಕೊಂಡು ಖಾಲಿ ಚೆಕ್‌ ಹಾಗೂ ಬಾಂಡ್‌ ಪೇಪರ್‌ಗಳಿಗೆ ಸಹಿ ಹಾಕಿಸಿಕೊಂಡಿದ್ದರು ಎಂದು ನಾಗರಾಜ್‌ ದೂರು ನೀಡಿದ್ದು ಆರೋಪಿಗಳನ್ನು ಬಂಧಿಸಲಾಗಿದೆ.