ಗಣೇಶ ದರ್ಶನಂ ಪ್ರದರ್ಶನಕ್ಕೆ ಚಾಲನೆ

Team Udayavani, Sep 11, 2018, 12:28 PM IST

ಬೆಂಗಳೂರು: “ಗಣೇಶ ದರ್ಶನಂ’ ಶೀರ್ಷಿಕೆಯ ವಿಶಿಷ್ಟ ಕಲಾ ಪ್ರದರ್ಶನದೊಂದಿಗೆ, ರಾಜರಾಜೇಶ್ವರಿ ನಗರದ ಕೊಬಾಲ್ಟ್ ಕಲಾ ಗ್ಯಾಲರಿಯನ್ನು ಖ್ಯಾತ ಕಲಾವಿದ ಡಾ.ಬಿ.ಕೆ.ಎಸ್‌.ವರ್ಮ ಉದ್ಘಾಟಿಸಿದರು.

ಈ ವೇಳೆ ಮಾತನಾಡಿದ ಅವರು, ವಿಘ್ನ ನಿವಾರಕನ ವಿಭಿನ್ನ ರೂಪಗಳನ್ನು ಆಧರಿಸಿ ರೂಪಿಸಲಾದ ಕಲಾಕೃತಿಗಳ ಪ್ರದರ್ಶನ ಆಯೋಜಿಸಿರುವುದು ಸಂತಸ ತಂದಿದೆ. ಗಣೇಶ ಎಲ್ಲರೂ, ಎಲ್ಲ ಭಾಗಗಳಲ್ಲೂ ಆರಾಧಿಸುವ ದೈವವಾಗಿದ್ದಾನೆ ಎಂದರು.

ಕವಿ ಸಿದ್ದಲಿಂಗಯ್ಯ ಮಾತನಾಡಿ, ಕಲಾವಿದರನ್ನು ಸೃಷ್ಟಿಸುವುದು ದೇವರು. ಅದರೆ, ಆ ದೇವರು ಹೇಗಿದ್ದಾನೆ ಎಂದು ತಿಳಿಸಿಕೊಟ್ಟವರು ಮಾತ್ರ ಕಲಾವಿದರು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಲಲಿತಕಲಾ ಅಕಾಡೆಮಿ ಅಧ್ಯಕ್ಷೆ ಪ್ರೊ.ಎಂ.ಜೆ.ಕಮಲಾಕ್ಷಿ, ಪಾಲಿಕೆ ಸದಸ್ಯೆ ನಳಿನಿ ಮಂಜು, ಜಿ.ಎಚ್‌.ರಾಮಚಂದ್ರ, ಎಂ.ರಾಜಕುಮಾರ್‌, ಎಂ.ತಿಬ್ಬೆಗೌಡ, ಕೆ.ಎನ್‌.ರಾಮಮೋಹನ್‌, ವಿಮರ್ಶಕ ಕೃಷ್ಣಶೆಟ್ಟಿ, ಕೊಬಾಲ್ಟ್ ಸಂಸ್ಥೆ ಅಧ್ಯಕ್ಷ ಗಣಪತಿ ಹೆಗಡೆ ಹಾಜರಿದ್ದರು.