ವಿಮಾನ ನಿಲ್ದಾಣದಲ್ಲಿ ಆ್ಯಂಬುಲೆನ್ಸ್‌ ಸೇವೆಗೆ ಚಾಲನೆ

Team Udayavani, Jun 12, 2019, 3:05 AM IST

ಬೆಂಗಳೂರು: ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬರುವ ಪ್ರಯಾಣಿಕರಿಗಾಗಿ ಒಳಾಂಗಣ ಆಂಬ್ಯುಲನ್ಸ್‌ ಸೇವೆ ಆರಂಭಿಸಿದ್ದು, ಸೋಮವಾರ ಈ ವಾಹನಕ್ಕೆ ಚಾಲನೆ ನೀಡಲಾಯಿತು.

ನಿಲ್ದಾಣದಲ್ಲಿ ರೋಗಿಗಳ ತುರ್ತು ಸೇವೆಗಾಗಿ ಎರಡು ಆ್ಯಂಬುಲೆನ್ಸ್‌ಗಳನ್ನು ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ನಿಯಮಿತ (ಬಿಐಎಎಲ್‌) ಕಲ್ಪಿಸಿದ್ದು, ಅತ್ಯಾಧುನಿಕ ತಂತ್ರಜ್ಞಾನ ಒಳಗೊಂಡ ಈ ಆ್ಯಂಬ್ಯುಲೆನ್ಸ್‌ಗಳು ಬ್ಯಾಟರಿ ಚಾಲಿತವಾಗಿದ್ದು, ದಿನದ 24 ಗಂಟೆ ಇದರ ಸೇವೆ ಲಭ್ಯ. ನಿಲ್ದಾಣದ ವೈದ್ಯಕೀಯ ಪಾಲುದಾರ ಆಸ್ಯಸ್ಟರ್‌ ಆಸ್ಪತ್ರೆಯ ನುರಿತ ವೈದ್ಯರು ಇದರಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ.

ಆ್ಯಂಬುಲೆನ್ಸ್‌ ಸೇವೆಗೆ ಚಾಲನೆ ನೀಡಿ ಮಾತನಾಡಿದ ಬಿಐಎಎಲ್‌ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಥಾಮಸ್‌ ಹಾಫ್ ಆ್ಯಂಡರ್‌ಸನ್‌, ನಿಲ್ದಾಣದಲ್ಲಿ ರೋಗಿಗಳಿಗೆ ತುರ್ತು ಸೇವೆ ಪೂರೈಸಲು ಈ ಒಳಾಂಗಣ ಆ್ಯಂಬುಲೆನ್ಸ್‌ ಪರಿಚಯಿಸಲಾಗಿದೆ. ರೋಗಿಯು ಆ್ಯಂಬುಲೆನ್ಸ್‌ ಪ್ರವೇಶಿಸುತ್ತಿದ್ದಂತೆ ಚಿಕಿತ್ಸೆ ಲಭ್ಯವಾಗಲಿದೆ. ಆಸ್ಪತ್ರೆ ತಲುಪುವವರೆಗೂ ಇದು ಮುಂದುವರಿಯುತ್ತದೆ ಎಂದು ಹೇಳಿದರು.