ಮದುವೆ ಆಗುವುದಾಗಿ ಹೇಳಿ ಶಿಕ್ಷಕಿಗೆ 7.6 ಲಕ್ಷ ರೂ. ವಂಚನೆ

Team Udayavani, Aug 13, 2022, 1:20 PM IST

ಬೆಂಗಳೂರು: ಮ್ಯಾಟ್ರಿಮೊನಿ ವೆಬ್‌ಸೈಟ್‌ನಲ್ಲಿ ಪರಿಚಯವಾದ 7.60 ಲಕ್ಷ ರೂ. ವಂಚಿಸಿದ್ದಾನೆ.

ಸರ್ಜಾಪುರ ರಸ್ತೆಯ ಕೃತಿಕಾ ಗೋಯಲ್‌ (30) ವಂಚನೆಗೊಳಗಾದ ಶಿಕ್ಷಕಿ. ವಿವಾಹವಾಗಲು ವರನನ್ನು ಹುಡುಕುತ್ತಿದ್ದ ಕೃತಿಕಾ, ಮ್ಯಾಟ್ರಿಮೊನಿ ವೆಬ್‌ಸೈಟ್‌ನಲ್ಲಿ ತಮ್ಮ ಹಿನ್ನೆಲೆ ಹಾಕಿದ್ದರು.

ವೆಬ್‌ಸೈಟ್‌ನಲ್ಲಿ ಪರಿಚಯವಾದ ಯುವಕನೊಬ್ಬ ಉನ್ನತ ಹದ್ದೆಯಲ್ಲಿದ್ದು, ವಿವಾಹವಾಗುವುದಾಗಿ ನಂಬಿಸಿ ಸಲುಗೆ ಬೆಳೆಸಿ ಮಾತನಾಡಿದ್ದ. ಆತನ ಮಾತನನ್ನು ನಂಬಿದ ಶಿಕ್ಷಕಿ ವಿವಾಹವಾಗಲು ನಿರ್ಧರಿಸಿದ್ದರು. ಈ ನಡುವೆ, “ತನ್ನ ತಂದೆಗೆ ಅನಾರೋಗ್ಯ ಉಂಟಾಗಿದ್ದು, 7.60 ಲಕ್ಷ ರೂ. ಅಗತ್ಯವಿದೆ. ಚಿಕಿತ್ಸೆ ಪಡೆದ ಬಳಿಕ ಹಣ ಹಿಂತಿರುಗಿಸುವುದಾಗಿ’ ಯುವಕ ನಂಬಿಸಿದ್ದ. ಅದರಂತೆ ಶಿಕ್ಷಕಿ 7.60 ಲಕ್ಷ ರೂ. ಕೊಟ್ಟಿದ್ದಾಳೆ. ನಂತರ ಆತ ಸಂಪರ್ಕಕ್ಕೆ ಸಿಕ್ಕಿಲ್ಲ.