ಬೆಂಗಳೂರು ರಾಮನಗರ ಮೆಮು ರೈಲು ಆರಂಭ

Team Udayavani, Jan 17, 2017, 12:10 PM IST

ಬೆಂಗಳೂರು: ಬೆಂಗಳೂರಿನಿಂದ ರಾಮನಗರ, ವೈಟ್‌ ಫೀàಲ್ಡ್‌ ಮತ್ತು ಕುಪ್ಪಂ ಮೆಮು ರೈಲು ಸಂಚಾರಕ್ಕೆ ಕೇಂದ್ರ ರೈಲ್ವೆ ಸಚಿವ ಸುರೇಶ್‌ ಪ್ರಭು, ಕೇಂದ್ರ ಸಚಿವ ಡಿ.ವಿ.ಸದಾನಂದ ಗೌಡ ಹಾಗೂ ಮುಖ್ಯಮಂತ್ರಿ ಸಿದ್ದರಾಮಯ್ಯ ಚಾಲನೆ ನೀಡಿದರು.

ರೈಲುಗಳ ವೇಳಾ ಪಟ್ಟಿ: ರೈಲು ನಂ 66535 ಕೆಎಸ್‌ಆರ್‌ ಬೆಂಗಳೂರು ನಿಲ್ದಾಣದಿಂದ ಬೆಳಗ್ಗೆ 5.30ಕ್ಕೆ ಹೊರಟು ರಾಮನಗರಕ್ಕೆ ಬೆಳಗ್ಗೆ 6.35ಕ್ಕೆ ತಲುಪಲಿದೆ. 
ರಾಮನಗರದಿಂದ 6.50ಕ್ಕೆ ಹೊರಡುವ ರೈಲು ಬೆಂಗಳೂರಿಗೆ ಬೆಳಗ್ಗೆ 8.40ಕ್ಕೆ ತೆರಳಿದೆ. ಬೆಂಗಳೂರಿನಿಂದ ಸಂಜೆ 5.25ಕ್ಕೆ ಹೊರಟು ರಾಮನಗರಕ್ಕೆ ಸಂಜೆ 6.30ಕ್ಕೆ ತಲುಪಲಿದೆ. 

ರಾಮನಗರದಿಂದ ಸಂಜೆ 6.40ಕ್ಕೆ ಹೊರಡುವ  ರೈಲು ಬೆಂಗಳೂರಿಗೆ 7.45ಕ್ಕೆ ತಲುಪಲಿದೆ. ಬೆಂಗಳೂರಿನಿಂದ 7.55ಕ್ಕೆ ತೆರಳುವ ರೈಲು ರಾಮ ನಗರಕ್ಕೆ 9 ಗಂಟೆಗೆ ತೆರಳಲಿದೆ. ರಾಮನಗರದಿಂದ ರಾತ್ರಿ 9.55ಕ್ಕೆ ತೆರಳುವ ರೈಲು ಬೆಂಗಳೂರಿಗೆ 11 ಗಂಟೆಗೆ ಆಗಮಿಸಲಿದೆ. 

ವೈಟ್‌ ಫೀಲ್ಡ್‌ನಿಂದ ಬೆಳಗ್ಗೆ 10.30ಕ್ಕೆ ತೆರಳುವ ರೈಲು ಬೆಂಗಳೂರಿಗೆ 11.10ಕ್ಕೆ ತಲುಪಲಿದೆ, ಬೆಂಗಳೂರಿನಿಂದ ಬೆಳಗ್ಗೆ 11.20ಕ್ಕೆ ತೆರಳುವ ರೈಲು ಕುಪ್ಪಂಗೆ 1.45ಕ್ಕೆ ತೆರಳಲಿದೆ. ಕುಪ್ಪಂನಿಂದ 2.45ಕ್ಕೆ ತೆರಳುವ ರೈಲು ಬೆಂಗಳೂರಿಗೆ ಸಂಜೆ 5.20ಕ್ಕೆ ತೆರಳಲಿದೆ.