ಮೋದಿ ಬೈಯ್ಯಲು ಹೋಗಿ ಬೈಸಿಕೊಂಡ ರಮ್ಯಾ!

Team Udayavani, Apr 13, 2018, 12:08 PM IST

ಬೆಂಗಳೂರು: ಟ್ವಿಟರ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಬೈಯ್ಯಲು ಪ್ರಯತ್ನಿಸಿದ ನಟಿ ಹಾಗೂ ಕಾಂಗ್ರೆಸ್‌ ಸಾಮಾಜಿಕ ಜಾಲತಾಣದ ಮುಖ್ಯಸ್ಥೆ  ರಮ್ಯಾ ಅವರಿಗೆ ಮೈಸೂರು-ಕೊಡಗು ಸಂಸದ ಪ್ರತಾಪ್‌ ಸಿಂಹ ಸೇರಿದಂತೆ ಅನೇಕ ಟ್ವಿಟಿಗರು ತೀವ್ರ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಗುರುವಾರ  ಪ್ರಧಾನಿ ಮೋದಿ ಅವರು ತಮಿಳುನಾಡಿಗೆ ಭೇಟಿ ನೀಡಿದ್ದರು. ಈ ವೇಳೆ, ಕಾವೇರಿ ವಿಚಾರವಾಗಿ ತಮಿಳು ಹೋರಾಟಗಾರರು “ಗೋ ಬ್ಯಾಕ್‌ ಮೋದಿ’  ಎಂದು ಜಾಲತಾಣಗಳಲ್ಲಿ ತಮ್ಮ ಅಸಹನೆ ಹೊರಹಾಕಿದ್ದರು. ವಿಷಯ ಏನೆಂದು ರಮ್ಯಾ ಅವರಿಗೆ ತಿಳಿದಿತ್ತೋ ಇಲ್ಲವೋ, ಮೋದಿ ವಿರೋಧಿ ಘೋಷಣೆಗಳಿಗೆ ತಾವೂ ದನಿಗೂಡಿಸಿ, ಟ್ವಿಟರ್‌ನಲ್ಲಿ ಅವರೂ ಸಹ “ಗೋ ಬ್ಯಾಕ್‌ ಮೋದಿ’ ಎಂದು ಬೆಂಬಲ ಸೂಚಿಸಿದ್ದರು.

ಸಂಸದ ಪ್ರತಾಪ್‌ ಸಿಂಹ ಅವರು  ನೀಡಿದ ತಿರುಗೇಟು ಸಾಬೀತು ಪಡಿಸಿತು. ತುಸು ಉಗ್ರವಾಗಿಯೇ ಟ್ವೀಟ್‌ ಮಾಡಿರುವ ಸಿಂಹ, “ತಮಿಳುನಾಡು ಹೋರಾಟಗಾರರ ಜತೆ ತಮ್ಮನ್ನು ಗುರುತಿಸಿಕೊಳ್ಳುವ ಮೂಲಕ  ರಮ್ಯಾ ಕರ್ನಾಟಕದ ವಿರೋಧಿ ಎಂದು ಸಾಬೀತುಪಡಿಸಿಕೊಂಡಿದ್ದಾರೆ. ಕನ್ನಡ ವಿರೋಧಿ ಧೋರಣೆ ಹೊಂದಿರುವ ಕರ್ನಾಟಕ ಕಾಂಗ್ರೆಸ್ಸಿಗೆ ನಾಚಿಕೆಯಾಗಬೇಕು” ಎಂದಿದ್ದಾರೆ.