Bangalore: ಬ್ಯಾಲೆನ್ಸ್ಶೀಟ್ ತಡವಾಗಿ ತೋರಿಸಿದ್ದಕ್ಕೆ ಮ್ಯೂಚುವಲ್ ಫಂಡ್ ಸಂಸ್ಥೆಗೆ ದಂಡ
Team Udayavani, Apr 2, 2024, 8:58 AM IST
ಬೆಂಗಳೂರು: ಗ್ರಾಹಕರೊಬ್ಬರ ಮ್ಯೂಚುವಲ್ ಫಂಡ್ ಖಾತೆಯ ಬ್ಯಾಲೆನ್ಸ್ ತೋರಿಸುವಲ್ಲಿ ನಿರ್ಲಕ್ಷ ವಹಿಸಿ, ಸೇವಾ ನ್ಯೂನತೆ ಎಸಗಿದ ಮ್ಯೂಚುವಲ್ ಫಂಡ್ ಸಂಸ್ಥೆಗೆ 20 ಸಾವಿರ ರೂ. ದಂಡ ವಿಧಿಸಿ ಗ್ರಾಹಕ ನ್ಯಾಯಾಲಯ ತೀರ್ಪು ನೀಡಿದೆ.
ಬೆಂಗಳೂರಿನ ನಿವಾಸಿಯೊಬ್ಬರು ಪ್ರಸಿದ್ಧ ಮ್ಯೂಚುವಲ್ ಫಂಡ್ ಕಂಪನಿ ವಿರುದ್ಧ ಪ್ರಕರಣ ದಾಖಲಿಸಿ, ಗೆಲುವು ಸಾಧಿಸಿದ್ದಾರೆ.
ದೂರುದಾರರು: ಬೆಂಗಳೂರಿನ ನಿವಾಸಿಯೊಬ್ಬರು ಪ್ರಸಿದ್ಧ ಮ್ಯೂಚುವಲ್ ಫಂಡ್ ಕಂಪನಿಯಲ್ಲಿ 2012ರಿಂದ ಹೂಡಿಕೆಯನ್ನು ಮಾಡಿದ್ದು, ಯಾವುದೇ ಯೂನಿಟ್ ರಿಡೀಮ್ ಮಾಡಿರಲಿಲ್ಲ. 2013ರ ಫೆಬ್ರವರಿಯಲ್ಲಿ ಗ್ರಾಹಕರ ಖಾತೆಯು 18.75 ಲಕ್ಷ ಮೌಲ್ಯದ 56,454 ಯೂನಿಟ್ ಹೊಂದಿತ್ತು. ಈ ನಡುವೆ ಗ್ರಾಹಕರು ಮ್ಯೂಚುವಲ್ ಫಂಡ್ ಖಾತೆಯ ಬ್ಯಾಲೆನ್ಸ್ ವಿವರ ನೀಡುವಂತೆ ಸಂಸ್ಥೆಗೆ ಇ ಮೇಲ್ ಕಳುಹಿಸಿದ್ದರು. ಈ ವೇಳೆ ಸಂಸ್ಥೆಯು ಖಾತೆಯು ಶೂನ್ಯ ಮೌಲ್ಯವನ್ನು ಹೊಂದಿದ್ದಾರೆ ಎನ್ನುವುದಾಗಿ ಕಂಪನಿಯು ಒಂದು ದಿನದ ನಂತರ ಉತ್ತರಿಸಿದೆ.
ಮ್ಯೂಚುವಲ್ ಫಂಡ್ ಖಾತೆಯ ಮೊತ್ತ ಶೂನ್ಯ ಎನ್ನುವುದಾಗಿ ಕಳುಹಿಸಿರುವ ಮೇಲ್ಗೆ ಸ್ಪಷ್ಟನೆಯನ್ನು ಕೋರಿ ಸಂಸ್ಥೆಗೆ ಮತ್ತೆ ಮೇಲ್ ಕಳುಹಿಸಿದ್ದಾರೆ. ತಕ್ಷಣ ಪ್ರತಿಕ್ರಿಯೆ ಬಾರದ ಹಿನ್ನೆಲೆಯಲ್ಲಿ ಕಂಪನಿಯ ಅಧ್ಯಕ್ಷ ಮತ್ತು ಸಿಇಒಗೆ ದೂರು ಸಲ್ಲಿಸಿದ್ದರು. ಇದಾಗಿ ಸುಮಾರು 45 ದಿನಗಳ ಬಳಿಕ ಗ್ರಾಹಕರ ಖಾತೆಯ ಸಂಪೂರ್ಣ ವಿವರ ಹಾಗೂ ಮೊತ್ತದ ವಿವರ ಇ-ಮೇಲ್ ಮೂಲಕ ಕಳುಹಿಸಿದ್ದಾರೆ. ಸೇವೆಯ ವಿಳಂಬ ನೀತಿ ವಿರುದ್ಧ ಬೇಸತ್ತು, ಗ್ರಾಹಕ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ್ದರು.
ಎರಡು ಕಡೆಯ ವಾದವನ್ನು ಪರಿಶೀಲನೆ ನಡೆಸಿದ ನ್ಯಾಯಾಲಯವು ಸರಿಯಾದ ಖಾತೆ ವಿವರ ತೋರಿಸದೆ ಗ್ರಾಹಕ ಸೇವೆಯಲ್ಲಿ ವ್ಯತ್ಯಯ ಮಾಡಿರುವ ಹಿನ್ನೆಲೆಯಲ್ಲಿ 15 ಸಾವಿರ ರೂ. ಪರಿಹಾರ ಹಾಗೂ ಕೋರ್ಟ್ ವ್ಯಾಜ್ಯದ ವೆಚ್ಚ 5 ಸಾವಿರ ರೂ. ಸೇರಿದಂತೆ ಒಟ್ಟು 20 ಸಾವಿರ ರೂ. ದಂಡ ವಿಧಿಸಿ ಗ್ರಾಹಕ ನ್ಯಾಯಾಲಯ ತೀರ್ಪು ನೀಡಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Smart Bus Stan: ಕೋರಮಂಗಲದಲ್ಲಿ ಸ್ಮಾರ್ಟ್ ಬಸ್ ನಿಲ್ದಾಣ!
Bengaluru: ಇವಿ ಬೈಕ್ ಶೋರೂಮ್ನಲ್ಲಿ ಬೆಂಕಿ ಅವಘಡ; ಮಾಲೀಕ, ಮ್ಯಾನೇಜರ್ ಬಂಧನ, ಬಿಡುಗಡೆ
Bengaluru: ನಗರದಲ್ಲಿ ನಿಷೇಧಿತ ಕಲರ್ ಕಾಟನ್ ಕ್ಯಾಂಡಿ ತಯಾರಿಕಾ ಘಟಕ ಬಂದ್
Shobha Karandlaje: ಶೋಭಾ ಲೋಕಸಭಾ ಸದಸ್ಯತ್ವ ರದ್ದು ಕೋರಿ ಅರ್ಜಿ: ಡಿ.6ಕ್ಕೆ ವಿಚಾರಣೆ
Arrested: ನಕಲಿ ದಾಖಲೆ ನೀಡಿ ಟಿಡಿಎಸ್ ಪಡೆಯುತ್ತಿದ್ದ ಆರೋಪಿಯ ಬಂಧಿಸಿದ ಜಾರಿ ನಿರ್ದೇಶನಾಲಯ
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.