ಸಾರ್ವಜನಿಕ ಆಡಳಿತ: ರಾಜ್ಯಕ್ಕೆನಾಲ್ಕನೇ ಸ್ಥಾನ

Team Udayavani, Jul 23, 2018, 12:06 PM IST

ಬೆಂಗಳೂರು: ಪ್ರಸಕ್ತ ಸಾಲಿನ ಸಾರ್ವಜನಿಕ ಆಡಳಿತ ಸೂಚ್ಯಂಕ ಶನಿವಾರ ಪ್ರಕಟವಾ ಗಿದೆ. ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನ  ಸಿಕ್ಕಿದೆ. ಕೇರಳಕ್ಕೆ ಮೊದಲನೆಯ ಸ್ಥಾನ, ತಮಿಳುನಾಡಿಗೆ ಎರಡನೇ, ತೆಲಂಗಾಣ ಮೂರನೇ ಸ್ಥಾನ ಪಡೆದುಕೊಂಡಿದೆ ಎಂದು  ಪಬ್ಲಿಕ್‌ ಅಫೇರ್ಸ್‌ ಸೆಂಟರ್‌ (ಪಿಎಸಿ) ಹೇಳಿದೆ.

2016ರಿಂದ ಸತತವಾಗಿ ಈ ಬಗ್ಗೆ ಸಾರ್ವಜನಿಕ ಆಡಳಿತದ ಬಗ್ಗೆ  ಅಧ್ಯಯನ ನಡೆಸಿ ವರದಿ ಬಿಡುಗಡೆ ಮಾಡಲಾಗುತ್ತಿದೆ. ಗುಜರಾತ್‌ 5ನೇ ಸ್ಥಾನ ಪಡೆದುಕೊಂಡಿದೆ. ಕೇರಳ ಸತತ ಮೂರನೇ  ಬಾರಿಗೆ ಮೊದಲ ಸ್ಥಾನದಲ್ಲಿ ಮುಂದುವರಿದಿದ್ದರೆ, ಕರ್ನಾಟಕ ಸತತ ನಾಲ್ಕನೇ ಬಾರಿಗೆ ನಾಲ್ಕನೇ ಸ್ಥಾನದಲ್ಲಿ  ಮುಂದುವರಿದಿದೆ. 

2 ಕೋಟಿಗಿಂತ ಕಡಿಮೆ ಜನಸಂಖ್ಯೆ ಇರುವ ರಾಜ್ಯಗಳ ಪೈಕಿ ಹಿಮಾಚಲಪ್ರದೇಶ ಮೊದಲ ಸ್ಥಾನದಲ್ಲಿದೆ.  ಗೋವಾ, ಮಿಜೋರಾಂ, ಸಿಕ್ಕಿಂ ಮತ್ತು ತ್ರಿಪುರಾ ನಂತರದ ಸ್ಥಾನ ಪಡೆದಿವೆ. ನಾಗಾಲ್ಯಾಂಡ್‌, ಮಣಿಪುರ ಮತ್ತು ಮೇಘಾಲಯ  ಕೂಡ ಈ ಪಟ್ಟಿಯಲ್ಲಿವೆ.

ಸಮೀಕ್ಷೆಗಾಗಿ ಒಟ್ಟು 30 ವಿಚಾರಗಳನ್ನು ಆಯ್ಕೆ ಮಾಡಿ, 100 ಸೂಚ್ಯಂಕಗಳನ್ನೂ  ಗುರುತಿಸಲಾಗಿತ್ತು. ಕೇರಳ, ಹಿಮಾಚಲ ಪ್ರದೇಶ ಮತ್ತು ಮಿಜೋರಾಂ ರ್ಯಾಜ್ಯಗಳು ಎಲ್ಲಾ ಮಕ್ಕಳಿಗೆ ಉತ್ತಮ ಜೀವನ  ವ್ಯವಸ್ಥೆ ನೀಡುವಲ್ಲಿ ಯಶಸ್ವಿಯಾಗಿವೆ ಎಂದು ಪಿಎಐ ಹೇಳಿದೆ.