ರೈಲ್ವೆ ಕೆಳಸೇತುವೆ ಕುಸಿತ: ಪ್ರಯಾಣಿಕರು ಪಾರು

Team Udayavani, Mar 19, 2018, 11:42 AM IST

ಯಲಹಂಕ: ರೈಲ್ವೆ ಕೆಳಸೇತುವೆ ರಸ್ತೆಯ ತಡೆಗೋಡೆ ಕುಸಿದು ಬಿದ್ದಿರುವ ಘಟನೆ ಬೆಟ್ಟಹಲಸೂರು ಸಮೀಪ ನಡೆದಿದೆ. ಭಾರತೀಯ ರೈಲ್ವೆ ಇಲಾಖೆಯಡಿ ಬೆಟ್ಟಹಲಸೂರು ನಾರಾಯಣಪುರ ಗ್ರಾಮದಿಂದ ರಾಜಾನುಕುಂಟೆ ಮತ್ತು ಚಪ್ಪರಗಲ್‌ ದಿನ್ನೆಗೆ ಸಂಪರ್ಕ ರೈಲ್ಪೆ ಕೆಳಸೇತುವೆಯ ರಸ್ತೆಯ ಒಂದು ಭಾಗದ ತಡೆಗೋಡೆ ಶನಿವಾರ ಮದ್ಯಾಹ್ನ ಕುಸಿದು ಇದೇ ವೇಳೆ ಕಾರಿನಲ್ಲಿ ಸಂಚರಿಸುತ್ತಿದ್ದ ಪ್ರಯಾಣಿಕರು ಸ್ವಲ್ಪದರಲ್ಲೇ ಪಾರಾಗಿದ್ದಾರೆ ಎಂದು ಎಂದು ಸ್ಥಳೀಯರು ತಿಳಿಸಿದರು.

ರೈಲ್ವೆ ಇಲಾಖೆಗೆ ಸಂಬಂದಪಟ್ಟವರ ಮೇಲೆ ಕ್ರಮ ತೆಗೆದುಕೊಂಡು ಗುತ್ತಿಗೆದಾರರನ್ನು ಕಪ್ಪು ಪಟ್ಟಿಗೆ ಸೇರಿಸಬೇಕು ಕೂಡಲೇ ರಸ್ತೆ ಕಾಮಗಾರಿ ಕೈಗೆತ್ತಿಕೊಂಡು ನಾಗರೀಕರ ಸಂಚಾರಕ್ಕೆ ಅನುವು ಮಾಡಿಕೊಡಬೇಕು ಎಂದು ಬೆಟ್ಟಹಲಸೂರು ಗ್ರಾಪಂ ಅಧ್ಯಕ್ಷೆ ಪಿ,ಎಸ್‌.ರಜನಿ ಹೇಳಿದರು.

ಒಂದು ದಿನದ ಹಿಂದೆ ಮಳೆ ಬಿದ್ದು ಗುಳಿಯಾಗಿದ್ದು ನೀರು ಜನಿದು ಗೋಡೆ ಕುಸಿದಿದೆ. ಈ ರಸ್ತೆಯ ಬಿರುಕು ಬಿಟ್ಟ ಗೋಡೆ ಸರಿಪಡಿಸಲು ಕೂಡಲೇ ಕ್ರಮ ತೆಗೆದುಕೊಳ್ಳಲಾಗುವುದು. ಸಾರ್ವಜನಿಕರ ಸಂಚಾರಕ್ಕೆ ಅನುವು ಮಾಡಿಕೊಡಲಾಗುವುದು. ಮೇಲಾಧಿಕಾರಿಗಳು ಸ್ಥಳಕ್ಕೆ ಬಂದು ಪರಿಶೀಲಿಸಿ ಸಂಬಂದಪಟ್ಟವರ ಮೇಲೆ ಕ್ರಮ ತೆಗೆದುಕೊಳ್ಳಲಿದ್ದಾರೆ.
-ಸಾಯಿ ಬಾಸ್ಕರ್‌. ರೈಲ್ವೆ ಎಂಜಿನಿಯರ್‌