ಬಳ್ಳಾರಿಯಲ್ಲಿ ಇಂದು ಸಾಧನಾ ಸಮಾವೇಶ

Team Udayavani, Sep 12, 2017, 7:35 AM IST

ಬಳ್ಳಾರಿ: ನಗರದ ಡಾ.ರಾಜ್‌ಕುಮಾರ್‌ ರಸ್ತೆಯ ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಕಾಂಗ್ರೆಸ್‌ ಸಾಧನಾ ಸಮಾವೇಶ ನಡೆಯಲಿದ್ದು, ಸಿಎಂ ಸಿದ್ದರಾಮಯ್ಯ ಚಾಲನೆ ನೀಡಲಿದ್ದಾರೆ. ಸಾಧನಾ ಸಮಾವೇಶಕ್ಕಾಗಿ 640 ಅಡಿ ಉದ್ದ 280 ಅಡಿ ಅಗಲದ ಬೃಹತ್‌ ಪೆಂಡಾಲ್‌ ಹಾಕಲಾಗಿದೆ.

ಸಮಾವೇಶಕ್ಕೆ ಸುಮಾರು 1.50 ಲಕ್ಷ ಜನ ಸೇರುವ ನಿರೀಕ್ಷೆ ಇದ್ದು, ಆ್ಯಂಬುಲೆನ್ಸ್‌, ವೈದ್ಯರು, ಕುಡಿವ ನೀರು
ಹಾಗೂ ಭದ್ರತೆಗಾಗಿ 1875ಕ್ಕೂ ಹೆಚ್ಚು ಪೊಲೀಸ್‌ ಸಿಬ್ಬಂದಿ ನಿಯೋಜಿಸಲಾಗಿದೆ. ಜಿಲ್ಲೆಯ ವಿವಿಧೆಡೆಗಳಿಂದ ಸಾಧನಾ
ಸಮಾವೇಶಕ್ಕೆ ಆಗಮಿಸುವ ಜನರಿಗಾಗಿ 1168 ಬಸ್‌ ವ್ಯವಸ್ಥೆ ಮಾಡಲಾಗಿದೆ. ಈ ಪೈಕಿ 1 ಸಾವಿರ ಸರ್ಕಾರಿ ಬಸ್‌, 168 ಖಾಸಗಿ ಬಸ್‌ ಪಡೆದುಕೊಳ್ಳಲಾಗಿದೆ. ಸಾಧನಾ ಸಮಾವೇಶ ಹಾಗೂ ರಸ್ತೆ ಸಂಚಾರ ದಟ್ಟಣೆ ಹಿನ್ನೆಲೆಯಲ್ಲಿ ಮಂಗಳವಾರ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ.