ಯುವತಿಗೆ ಲೈಂಗಿಕ ಕಿರುಕುಳ

Team Udayavani, Jun 17, 2017, 12:41 PM IST

ಬೆಂಗಳೂರು: ಯುವಕನೊಬ್ಬ ಯುವತಿ ಮೈ ಮೇಲೆ ಪ್ಲಾಸ್ಟಿಕ್‌ ಹಲ್ಲಿ ಎಸೆದು, ನಂತರ ಹಲ್ಲಿ ತೆಗೆಯುವ ನೆಪದಲ್ಲಿ ಆಕೆಯ ಅಂಗಾಂಗ ಮಟ್ಟಿ ಲೈಂಗಿಕ ಕಿರುಕುಳ ನೀಡಿರುವ ಘಟನೆ ನಡೆದಿದೆ.

ಬಿಹಾರ ಮೂಲದ 24 ವರ್ಷದ ಯುವತಿ ಕೆಲ ದಿನಗಳ ಹಿಂದೆ ನಗರಕ್ಕೆ ಬಂದಿದ್ದು, ಖಾಸಗಿ ಕಂಪನಿಯಲ್ಲಿ ತರಬೇತಿಗಾಗಿ ಹೆಸರುಘಟ್ಟ ಮುಖ್ಯರಸ್ತೆ ಚಿಕ್ಕಸಂದ್ರದಲ್ಲಿ ನೆಲೆಸಿದ್ದರು. ಜೂ.15ರ ಬೆಳಗ್ಗೆ 10 ಗಂಟೆ ಸುಮಾರಿಗೆ ಇಂದಿರಾನಗರದ ಸಿಎಂಎಚ್‌ ರಸ್ತೆಯ ತಮ್ಮ ಕಚೇರಿ ಲಿಫ್ಟ್ನಲ್ಲಿ ತೆರಳುತ್ತಿದ್ದಾಗ ಅಪರಿಚಿತ ಯುವಕನೊಬ್ಬ ಯುವತಿ ಮೇಲೆ ಪ್ಲಾಸ್ಟಿಕ್‌ ಹಲ್ಲಿ ಎಸೆದಿದ್ದಾನೆ.

ಬಳಿಕ ಅದೇ ಹಲ್ಲಿಯನ್ನು ತೆಗೆಯುವ ನೆಪದಲ್ಲಿ ಯುವತಿಯ ಅಂಗಾಂಗಗಳನ್ನು ಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ್ದಾನೆ. ನೊಂದ ಯುವತಿ ಕೂಗಿಕೊಂಡಾಗ ಸ್ಥಳದಿಂದ ಪರಾರಿಯಾಗಿದ್ದಾನೆ. ಈ ಸಂಬಂಧ ಇಂದಿರಾನಗರ ಠಾಣೆಗೆ ಯುವತಿ ದೂರು ನೀಡಿದ್ದಾರೆ. ಐಪಿಸಿ ಸೆಕ್ಷನ್‌ 354ರ(ಲೈಂಗಿಕ ದೌರ್ಜನ್ಯ) ಅಡಿ ಎಫ್ಐಆರ್‌ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.