ವಿಮಾನ ಹಾರಾಟಕ್ಕೆ ಇಬ್ಬನಿಯ ತೊಂದರೆ

Team Udayavani, Jan 15, 2018, 11:50 AM IST

ಬೆಂಗಳೂರು: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ವ್ಯಾಪ್ತಿಯಲ್ಲಿ ದಟ್ಟ ಮಂಜು ಆವರಿಸಿದ್ದರಿಂದ
ಭಾನುವಾರ ಮುಂಜಾನೆ 4.44ರಿಂದ 8.25ರ ಅವಧಿಯಲ್ಲಿ 110ಕ್ಕೂ ಅಧಿಕ ವಿಮಾನಗಳ ಹಾರಾಟದಲ್ಲಿ ವ್ಯತ್ಯಯವಾಗಿದೆ.

ಭಾನುವಾರ ಬೆಳಗ್ಗೆ 5 ಗಂಟೆಗಳ ಅವಧಯಲ್ಲಿ 63 ವಿಮಾನಗಳ ನಿರ್ಗಮನ ಹಾಗೂ 54 ವಿಮಾನಗಳ ಆಗಮನ
ವಿಳಂಬವಾಗಿದೆ. ಇದರ ಪರಿಣಾಮ ಹೈದರಾಬಾದ್‌ ಹಾಗೂ ಚೆನ್ನೈ ನಿಲ್ದಾಣದ ತಲಾ 4 ವಿಮಾನಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ. ಹಾಗೆಯೇ ಮುಂಬೈ, ಕಲ್ಲಿಕೋಟೆ, ದೆಹಲಿ ಹಾಗೂ ಹೈದರಾಬಾದ್‌ನಿಂದ ಬೆಂಗಳೂರಿಗೆ ಆಗಮಿಸ ಬೇಕಾಗಿದ್ದ 7 ವಿಮಾನ ಹಾಗೂ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನದಿಂದ ಹೈದರಾ ಬಾದ್‌, ದೆಹಲಿ, ಕಲ್ಲಿಕೋಟೆ,ಮುಂಬೈ, ಚೆನ್ನೈಗೆ ತೆರಳಬೇಕಾಗಿದ್ದ 8 ಇಂಡಿಗೋ ವಿಮಾನಗಳ ಹಾರಾಟರದ್ದು ಮಾಡಿದೆ. ಜತೆಗೆ ಒಂದು ವೇಳೆ ಸೋಮವಾರವೂ ಇದೇ ರೀತಿಯ ವಾತಾವರಣವಿದ್ದರೆ ಮತ್ತೆ ವಿಮಾನ ಹಾರಾಟದಲ್ಲಿ ವ್ಯತ್ಯಯವಾಗಬಹುದು ಎಂದು ಇಂಡಿಗೋ ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ. ಇದರಿಂದ ಪ್ರಯಾಣಿಕರಿಗೆ ಸಮಸ್ಯೆ ಎದರಾಗಿತ್ತು. ಕಳೆದವರ್ಷ ಸುಮಾರು 102 ವಿಮಾನಗಳ ಹಾರಾಟದಲ್ಲಿ ವ್ಯತ್ಯಯವಾಗಿತ್ತು.