ಆನ್‌ಲೈನ್‌ ತರಗತಿ ಆರಂಭ

Team Udayavani, Apr 28, 2021, 2:49 PM IST

ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯವು ಪದವಿಯ ವಿವಿಧ ಸೆಮಿಸ್ಟರ್‌ ತರಗತಿಗಳನ್ನು ಆನ್‌ಲೈನ್‌ ಏ.28ರಿಂದ ಹಾಗೂ ಸ್ನಾತಕೋತ್ತರ ಪದವಿಕೋರ್ಸ್‌ಗಳ ವಿವಿಧ ಸೆಮಿಸ್ಟರ್‌ ತರಗತಿಗಳನ್ನು ಆನ್‌ಲೈನ್‌ ಮೂಲಕ ಮೇ 5ರಿಂದ ಆರಂಭಿಸಲಿದೆ. ಬೆಂ.ವಿವಿ ವ್ಯಾಪ್ತಿಯ ಎಲ್ಲ ಸಂಯೋಜಿತ ಕಾಲೇಜುಗಳು ಸ್ನಾತಕ ಹಾಗೂ ಸ್ನಾತಕೋತ್ತರ ಕೋರ್ಸ್ ನ ವಿವಿಧ ಸೆಮಿಸ್ಟರ್‌ ತರಗತಿಗಳನ್ನು ಆನ್‌ಲೈನ್‌ನಲ್ಲಿಯೇ ಆರಂಭಿಸಬೇಕು.

ಕೊರೊನಾ ಸೋಂಕು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಭೌತಿಕ ತರಗತಿಗಳನ್ನುನಡೆಸಲು ಸಾಧ್ಯವಿಲ್ಲ. ಬಿಎ,ಬಿ.ಎಸ್ಸಿ, ಬಿ.ಕಾಂ, ಬಿಬಿಎ, ಬಿಸಿಎ, ಬಿಎಚ್‌ಎಂ, ಬಿವಿಎ ಮೊದಲಾದ ಸ್ನಾತಕಕೋರ್ಸ್‌ಗಳ 2, 4, 6 ಮತ್ತು 8ನೇ ಸೆಮಿಸ್ಟರ್‌ವಿದ್ಯಾರ್ಥಿಗಳಿಗೆ ಏ.28ರಿಂದಲೇ ಆನ್‌ಲೈನ್‌ ಮೂಲಕ ತರಗತಿಗಳ ಆರಂಭವಾಗಲಿದೆ.

ಈ ಸಂಬಂಧ ಶೀಘ್ರದಲ್ಲೇ ಶೈಕ್ಷಣಿಕ ಕ್ಯಾಲೇಂಡರ್‌ ಬಿಡುಗಡೆ ಮಾಡಲಾಗುತ್ತದೆ  . ಹಾಗೆಯೇ ಕಲಾ, ವಿಜ್ಞಾನ, ವಾಣಿ ಜ್ಯಶಾಸ್ತ್ರಮತ್ತು ಶಿಕ್ಷಣ ನಿಖಾಯಗಳ ಸ್ನಾತಕೋತ್ತರ ಕೋರ್ಸ್‌ನ4ನೇ ಸೆಮಿಸ್ಟರ್‌ ತರಗತಿಗಳನ್ನು ಮೇ 5ರಿಂದ ಆನ್‌ಲೈನ್‌ ಆರಂಭಿಸ ‌ಬೇಕು. ಸ್ನಾತಕೋತ್ತರ ಕೋರ್ಸ್‌ನ 2ನೇ ಸೆಮಿಸ್ಟರ್‌ ತರಗತಿ ಆರಂಭದ ಬಗ್ಗೆ ಶೀಘ್ರದಲ್ಲೇ ತಿಳಿಸಲಾಗುವುದು ಎಂದು ಬೆಂ.ವಿವಿ ತಿಳಿಸಿದೆ.