Bengaluru: ಯುವತಿಯರೊಂದಿಗೆ ಜಾಲಿ ರೈಡ್‌ ಹೋಗಲು ಕಳ್ಳತನ; ಮೂವರ ಸೆರೆ

Team Udayavani, Dec 14, 2024, 10:54 AM IST

ಬೆಂಗಳೂರು: ಯುವತಿಯರೊಂದಿಗೆ ದ್ವಿಚಕ್ರ ವಾಹನದಲ್ಲಿ ಜಾಲಿ ರೈಡ್‌ ಹೋಗಿ ಮೋಜು-ಮಸ್ತಿ ಮಾಡಲು ಮನೆಗಳ್ಳತನಕ್ಕಿಳಿದಿದ್ದ ಮೂವರನ್ನು ಬಾಣಸವಾಡಿ ಪೊಲೀಸರು ಬಂಧಿ ಸಿದ್ದು, ಬರೋಬ್ಬರಿ 180 ಗ್ರಾಂ ಚಿನ್ನ, 4 ಕೆ.ಜಿ. 800 ಗ್ರಾಂ ಬೆಳ್ಳಿ, ದ್ವಿಚಕ್ರ ವಾಹನ ಸೇರಿ 18 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ಜಪ್ತಿ ಮಾಡಿಕೊಂಡಿದ್ದಾರೆ. ‌

ಕೆಜಿಎಫ್ ನಿವಾಸಿಗಳಾದ ಸಂಜಯ್, ಸಂಜಿತ್‌, ಸೂರ್ಯ ಬಂಧಿತರು. ಪೊಲೀಸರ ಕೈಗೆ ಸಿಕ್ಕಿ ಬೀಳ ದಂತೆ ನಂಬರ್‌ ಪ್ಲೇಟ್‌ ಇಲ್ಲದ ವಾಹನದಲ್ಲಿ ಬಂದು ಬೀಗ ಹಾಕಿದ ಮನೆಗಳಿಗೆ ರಾತ್ರಿ ವೇಳೆಗೆ ಎಂಟ್ರಿ ಕೊಟ್ಟು ಆಭರಣ ದೋಚಿ ಪರಾರಿಯಾ ಗುತ್ತಿದ್ದರು. ನಂತರ ಕದ್ದ ಚಿನ್ನಾಭರಣ ಅಡವಿಟ್ಟು ಅದರಿಂದ ಬಂದ ಹಣ ದಿಂದ ವೆಲಂಗಾಣಿ ಸೇರಿ ವಿವಿಧೆಡೆ ಪ್ರವಾಸ ಹೋಗುತ್ತಿದ್ದರು. ಕಮ್ಮನಹ ಳ್ಳಿಯ ನಿವಾಸಿಯೊಬ್ಬರು ಇತ್ತೀಚೆಗೆ ವೆಲ್ಲೂರಿಗೆ ಹೋಗಿದ್ದ ವೇಳೆ ಅವರ ಮನೆ ಬೀಗ ಮುರಿದ ಆರೋಪಿಗಳು ಲಾಕರ್‌ನಲ್ಲಿಟ್ಟಿದ್ದ ಚಿನ್ನ, ಬೆಳ್ಳಿ ಹಾಗೂ 15000 ಹಣ ಕದ್ದಿದ್ದರು. ಪ್ರಕರಣ ದಾಖಲಿ ಸಿಕೊಂಡ ಪೊಲೀಸರು ಸ್ಥಳೀಯ ಸಿಸಿ ಕ್ಯಾಮೆರಾ ಪರಿಶೀಲಿಸಿದಾಗ ಆರೋಪಿಗಳ ಸುಳಿವು ಸಿಕ್ಕಿತ್ತು.