Supplier: ಬೇಗ ಊಟ ತನ್ನಿ ಎಂದಿದ್ದಕ್ಕೆ ಆಶ್ಲೀಲ ಸನ್ನೆ ತೋರಿದ ಸಪ್ಲ್ಯೈಯರ್; ವೈರಲ್‌

Team Udayavani, Jul 3, 2024, 10:49 AM IST

ಬೆಂಗಳೂರು: ಆರ್ಡರ್‌ ಮಾಡಿದ್ದ ಫ‌ುಡ್‌ ಬೇಗ ಕೊಡುವಂತೆ ಹೇಳಿದಕ್ಕೆ ಗ್ರಾಹಕನಿಗೆ ಮಧ್ಯದ ಬೆರಳು ತೋರಿಸಿ ವಿಕೃತಿ ಮೆರೆದ ಸಪ್ಲೆಯರ್‌ ವಿರುದ್ಧ ಗ್ರಾಹಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋ ವೈರಲ್‌ ಆಗಿದ್ದು, ಸಾರ್ವಜನಿಕರು ಹೋಟೆಲ್‌ ಮಾಲೀಕರು ಮತ್ತು ಸಪ್ಲೆಯರ್‌ ವಿರುದ್ಧ ಆಕ್ರೋಶ ವ್ಯಕ್ತಪಡಸಿದ್ದಾರೆ. ‌

ನಗರದ ಹೋಟೆಲ್‌ವೊಂದಕ್ಕೆ ತೆರಳಿದ ಗ್ರಾಹಕರೊಬ್ಬರು ಫ‌ುಡ್‌ ಆರ್ಡರ್‌ ಮಾಡಿದ್ದಾರೆ. ಆದರೆ, ಸಪ್ಲೆಯರ್‌ ಫ‌ುಡ್‌ ತಂದು ಕೊಡಲು ನಿಧಾನ ಮಾಡಿದ್ದಾರೆ. ಬಹಳ ಹೊತ್ತು ಕಾದ ಗ್ರಾಹಕ, ಕೂಡಲೇ ತಂದು ಕೊಡುವಂತೆ ಸಪ್ಲೆಯರ್‌ಗೆ ತಾಕೀತು ಮಾಡಿದ್ದಾರೆ. ಆಗ ಸಪ್ಲೆಯರ್‌ ತನ್ನ ಮಧ್ಯದ ಬೆರಳು ತೋರಿಸಿ ವಿಕೃತಿ ಮೆರೆದಿದ್ದಾನೆ. ಅದರಿಂದ ಕೋಪಗೊಂಡ ಗ್ರಾಹಕ ಸಪ್ಲೆಯರ್‌ ಜತೆ ವಾಗ್ವಾದ ನಡೆಸಿದ್ದಾರೆ.

ಆದರೆ, ಈ ಕುರಿತ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದ್ದು, ನಗರ ಪೊಲೀಸರಿಗೂ ಟ್ಯಾಗ್‌ ಮಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯೆ ನೀಡಿರುವ ಪೊಲೀಸರು, ಸಮೀಪದ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸುವಂತೆ ಸಲಹೆ ನೀಡಿದ್ದಾರೆ.