![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಬಿಇಎಲ್ನಿಂದ ಆಯೋಗಕ್ಕೆ “ಮಾರ್ಕ್-3′ ಇವಿಎಂಗಳ ಪೂರೈಕೆ
Team Udayavani, Apr 20, 2018, 11:47 AM IST
![bel-mark3.jpg](https://www.udayavani.com/wp-content/uploads/2018/04/20/bel-mark3-557x465.jpg)
ಬೆಂಗಳೂರು: ದೇಶದಲ್ಲಿ ಇದೇ ಮೊದಲ ಬಾರಿ ಮತದಾನಕ್ಕೆ ಬಳಸಲಾಗುತ್ತಿರುವ “ಮಾರ್ಕ್-3′ ತಂತ್ರಜ್ಞಾನದ ಎಲೆಕ್ಟ್ರಾನಿಕ್ ವೋಟಿಂಗ್ ಮೆಷೀನ್ಗಳು (ಇವಿಎಂ) ಶುಕ್ರವಾರ ಚುನಾವಣಾ ಆಯೋಗಕ್ಕೆ ಪೂರೈಕೆಯಾಗಲಿವೆ.
ಭಾರತ್ ಎಲೆಕ್ಟ್ರಾನಿಕ್ ಲಿಮಿಟೆಡ್ (ಬಿಇಎಲ್) ಸಂಸ್ಥೆ ಮಾರ್ಕ್-3 ತಂತ್ರಜ್ಞಾನದ ಮತಯಂತ್ರಗಳನ್ನು ಅಭಿವೃದ್ಧಿಪಡಿಸಿದ್ದು, ಶುಕ್ರವಾರ ನಗರ ಜಿಲ್ಲಾ ಚುನಾವಣಾಧಿಕಾರಿಗಳಿಗೆ ಕಂಟ್ರೋಲ್ ಯೂನಿಟ್ ಹಾಗೂ ಬ್ಯಾಲೆಟ್ ಯೂನಿಟ್ಗಳನ್ನು ಪೂರೈಸಲಿದೆ.
ಈವರೆಗೆ ದೇಶದಲ್ಲಿ ಮಾರ್ಕ್-2 ತಂತ್ರಜ್ಞಾನದ ಇವಿಎಂಗಳನ್ನು ಬಳಸಲಾಗುತ್ತಿದ್ದು, ಮೊದಲ ಬಾರಿಗೆ ಬೆಂಗಳೂರಿನ ಹಲವು ವಿಧಾನಸಭಾ ಕ್ಷೇತ್ರಗಳಲ್ಲಿ ಮಾರ್ಕ್-3 ಇವಿಎಂಗಳನ್ನು ಬಳಸಲು ಚುನಾವಣಾ ಆಯೋಗ ಮುಂದಾಗಿದೆ. ಅದರಂತೆ ಒಟ್ಟು 5 ಸಾವಿರ ಇವಿಎಂಗಳು ಆಯೋಗಕ್ಕೆ ರವಾನೆಯಾಗಲಿದ್ದು, ಆ ಪೈಕಿ 3250 ಇವಿಎಂಗಳನ್ನು ಬಳಸಲಾಗುತ್ತದೆ.
ಮಾರ್ಕ್-3 ಇವಿಎಂ ವಿಶೇಷತೆ: ಸದ್ಯ ಲಭ್ಯವಿರುವ ಮಾರ್ಕ್-2 ಇವಿಎಂನ ಕಂಟ್ರೋಲ್ ಯೂನಿಟ್ಗಳಿಗೆ ತಲಾ 16 ಅಭ್ಯರ್ಥಿಗಳ ಹೆಸರಿರುವ 4 ಬ್ಯಾಲೆಟ್ ಯೂನಿಟ್ಗಳನ್ನು ಜೋಡಣೆ ಮಾಡಬಹುದಾಗಿದೆ. ಆದರೆ, ಮಾರ್ಕ್- 3 ಕಂಟ್ರೋಲ್ ಯೂನಿಟ್ಗಳಿಗೆ 14 ಬ್ಯಾಲೆಟ್ ಯೂನಿಟ್ಗಳನ್ನು ಜೋಡಣೆ ಮಾಡಬಹುದಾಗಿದ್ದು, 384 ಅಭ್ಯರ್ಥಿಗಳ ಹೆಸರುಗಳನ್ನು ಸೇರಿಸಲು ಅವಕಾಶವಿದೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಮಂಜುನಾಥ ಪ್ರಸಾದ್ ಹೇಳಿದರು.
ಮಾರ್ಕ್- 3 ಕಂಟ್ರೋಲ್ ಯೂನಿಟ್ ಹಾಗೂ ಬ್ಯಾಲೆಟ್ ಯೂನಿಟ್ಗಳು ಹಾರ್ಡ್ವೇರ್ ಅಳವಡಿಸಿದರೆ ಕೂಡಲೇ ಡಿಜಿಟಲ್ ಪ್ರಮಾಣೀಕರಣದ ಮೂಲಕ ಪತ್ತೆ ಮಾಡಿ ಸೂಚನೆ ನೀಡುತ್ತದೆ. ಜತೆಗೆ ಅತ್ಯಂತ ನಿಖರ ಫಲಿತಾಂಶ ನೀಡುವ ಸಾಮರ್ಥ್ಯ ಹೊಂದಿದೆ ಎಂದು ಮಾಹಿತಿ ನೀಡಿದ್ದಾರೆ.
ಮಾರ್ಕ್-3 ಇವಿಎಂ ಬಳಕೆ ಎಲ್ಲೆಲ್ಲಿ?: ಬಿಬಿಎಂಪಿ ಕೇಂದ್ರದ ರಾಜರಾಜೇಶ್ವರಿನಗರ, ಶಿವಾಜಿನಗರ, ಶಾಂತಿನಗರ, ಗಾಂಧಿನಗರ, ಚಾಮರಾಜಪೇಟೆ, ಚಿಕ್ಕಪೇಟೆ ವಿಧಾನಸಭಾ ಕ್ಷೇತ್ರಗಳು ಹಾಗೂ ಬಿಬಿಎಂಪಿ ದಕ್ಷಿಣದ ಗೋವಿಂದರಾಜನಗರ, ವಿಜಯನಗರ, ಬಸವನಗುಡಿ, ಪದ್ಮನಾಭನಗರ, ಬಿಟಿಎಂ ಬಡಾವಣೆ ವಿಧಾನಸಭಾ ಕ್ಷೇತ್ರಗಳಲ್ಲಿ ಮಾರ್ಕ್-3 ಇವಿಎಂಗಳನ್ನು ಬಳಸಲಾಗುತ್ತದೆ.
ದೇಶದಲ್ಲಿ ಇದೇ ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಬಳಸಲು ಉದ್ದೇಶಿಸಿರುವ ಮಾರ್ಕ್-3 ತಂತ್ರಜ್ಞಾನ ಇವಿಎಂಗಳು ಶುಕ್ರವಾರ ಆಯೋಗಕ್ಕೆ ಪೂರೈಕೆಯಾಗಲಿದ್ದು, ಅಧಿಕಾರಿಗಳು ಪ್ರಾಥಮಿಕ ಹಂತದ ಪರೀಕ್ಷೆ ನಡೆಸಲಿದ್ದಾರೆ.
-ಎನ್.ಮಂಜುನಾಥ ಪ್ರಸಾದ್, ನಗರ ಚುನಾಣಾಧಿಕಾರಿ
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.