ತನಿಷ್ಕ್ ಉತ್ಸವ ರಿಯಾಯಿತಿ ಮಾರಾಟ

Team Udayavani, Oct 28, 2018, 11:35 AM IST

ಬೆಂಗಳೂರು: ಹಬ್ಬದ ಋತು ಸಮೀಪಿಸುತ್ತಿದೆ. ಟಾಟಾ ಸಮೂಹದ ತನಿಷ್ಕ್ ದೀಪಾವಳಿ ಹಬ್ಬವನ್ನು ಮತ್ತಷ್ಟು ಸಂಭ್ರಮದಿಂದ ಆಚರಿಸಲು ಸಜ್ಜಾಗಿದೆ. ಇದಕ್ಕೆ ಪೂರಕವಾಗಿ ಪಾರಂಪರಿಕ ಸೊಬಗು, ಕರಕುಶಲತೆ ಹಾಗೂ ಸಮಕಾಲೀನ ವಿನ್ಯಾಸಗಳು ಒಗ್ಗೂಡಿದ ಆಭರಣಗಳ ಸಂಗ್ರಹವನ್ನು ಅನಾವರಣಗೊಳಿಸುವ ತನಿಷ್ಕ್ “ಉತ್ಸವ’ ರಿಯಾಯಿತಿ ಮಾರಾಟವನ್ನು ಆಯೋಜಿಸಿದೆ.

ತನಿಷ್ಕ್ ಭಾರತೀಯ ಸಂಪ್ರದಾಯ ಹಾಗೂ ಸಂಸ್ಕೃತಿಗೆ ಕೈಗನ್ನಡಿ ಹಿಡಿಯುವ ಆಭರಣಗಳ ಜೊತೆ ಹಬ್ಬದ ಸಂಭ್ರಮವನ್ನು ನಿಜವಾದ ಅರ್ಥದಲ್ಲಿ ಮತ್ತಷ್ಟು ಬೆಳಗಿಸಲಿದೆ. ಇದೇ ಸಂದರ್ಭದಲ್ಲಿ ಆಧುನಿಕ ಶೈಲಿಯ ಆಭರಣಗಳ ಶ್ರೀಮಂತ ಪರಂಪರೆಯನ್ನು ಅಭಿವ್ಯಕ್ತಿಗೊಳಿಸಲು ಹೊರಟಿದೆ. ದೇಶದ ಪಶ್ಚಿಮ ಮತ್ತು ದಕ್ಷಿಣ ಭಾರತದ ಶೈಲಿಯ ಕರಕುಶಲತೆಯನ್ನು ಬಿಂಬಿಸಲಿರುವ ಈ ಪ್ರದರ್ಶನ, ಮಾರಾಟದ ಉತ್ಸವ ಆಧುನಿಕ ಹಾಗೂ ಸಾಂಪ್ರದಾಯಿಕ ಶೈಲಿಯ ಸಂಗಮವಾಗಿದ್ದು, ಇದರಲ್ಲಿ ಕನಿಷ್ಟ 30 ಸಾವಿರ ರೂ. ರೇಂಜ್‌ನ ಆಭರಣವೂ ದೊರೆಯಲಿದೆ. 

ಚಿನ್ನದ ಆಭರಣಗಳ ತಯಾರಿಕಾ ಶುಲ್ಕಗಳ ಮೇಲೆ ಮತ್ತು ಡೈಮಂಡ್‌ ಆಭರಣದ ಮೌಲ್ಯದ ಮೇಲೆ ಶೇ.25 ರವರೆಗೆ ರಿಯಾಯಿತಿ ಕೂಡ ಪಡೆಯಬಹುದಾಗಿದೆ. ಹೆಚ್‌ಡಿಎಫ್‌ಸಿ ಡೆಬಿಟ್‌ ಅಥವಾ ಕ್ರೆಡಿಟ್‌ ಕಾರ್ಡ್‌ ಮೂಲಕ ಆಭರಣ ಖರೀದಿಸಿದ ಗ್ರಾಹಕರು 5,000 ರೂ.ವರೆಗೆ ವಿಶೇಷ ರಿಯಾಯಿತಿ ಪಡೆಯಲಿದ್ದಾರೆ. ಈ ಕೊಡುಗೆ ಸೀಮಿತ ಅವಧಿಯವರೆಗೆ ಮಾತ್ರ ಎಂದು ಸಂಸ್ಥೆ ತಿಳಿಸಿದೆ.