ಆರ್ಟ್‌ ಆಫ್ ಲಿವಿಂಗ್‌ನಿಂದ ಆ್ಯಪ್‌

Team Udayavani, Feb 25, 2017, 11:51 AM IST

ಬೆಂಗಳೂರು: ನಗರದ ಕನಕಪುರ ರಸ್ತೆಯಲ್ಲಿರುವ ಆರ್ಟ್‌ ಆಫ್ ಲಿವಿಂಗ್‌ ಸಂಸ್ಥೆಯಲ್ಲಿ ಶುಕ್ರವಾರ ನಡೆದ ಶಿವರಾತ್ರಿ ಹಬ್ಬದ ಅಂಗವಾಗಿ ಶ್ರೀ ರವಿಶಂಕರ್‌ ಗುರೂಜಿ ಅವರಿಂದ ಸಹಸ್ರಾರು ಮಂದಿ ಭಕ್ತರು ಆಶೀರ್ವಚನ ಪಡೆದರು. ಇದೇ ಸಂದರ್ಭದಲ್ಲಿ ಆರ್ಟ್‌ ಆಫ್ ಲಿವಿಂಗ್‌ ಆ್ಯಪ್‌ ಕೂಡ ಬಿಡುಗಡೆಗೊಳಿಸಲಾಯಿತು. 

ದೇಶದ ವಿವಿಧ ಭಾಗಗಳು ಹಾಗೂ ವಿದೇಶಗಳಿಂದ ಆಗಮಿಸಿದ್ದ ಸಾವಿರಾರು ಭಕ್ತರು ಶಿವನಾಮ ಸ್ಮರಣೆ, ಶಿವಧ್ಯಾನ, ರುದ್ರ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.  ಭಕ್ತಾದಿಗಳಿಗೆ ಆಶೀರ್ವಚನ ನೀಡಿದ ಶ್ರೀ ರವಿಶಂಕರ ಗುರೂಜಿ, ಶಿವನಾಮ ಸ್ಮರಣೆ ಆಧ್ಯಾತ್ಮಿಕ ಅನುಭೂತಿಯ ಸಂಕೇತವಾಗಿದೆ. ಶಿವಧ್ಯಾನ ಮನಸಿನ ತುಮಲಗಳನ್ನು ತೊಡೆದುಹಾಕಿ ಪರಮಾನಂದ ನೀಡಲಿದೆ ಎಂದರು.

ಶಿವರಾತ್ರಿ ಹಬ್ಬದ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಬೋಸ್ನಿಯಾ ಹಾಗೂ ಅರ್ಜಿಗೋವಿಯಾ ದೇಶದ ಮಾಜಿ ಪ್ರಧಾನಿ ಹ್ಯಾರೀಸ್‌ ಸಿಲಾಝಿxಕ್‌, ನೆಲ್ಲೂರಿನ ರತ್ನಗಿರಿ ದೇವಾಲಯದ ಬಾಲಮುರುಗನ್‌ ಸ್ವಾಮೀಜಿ, ಛತ್ತೀಸ್‌ಘಡದ ಅರಣ್ಯ ಸಚಿವ ಮಹೇಶ್‌ ಗಗ್ಧಾಜಿ, ಪ್ರವಾಸೋದ್ಯಮ ಸಚಿವ ಆರ್‌.ವಿ.ದೇಶಪಾಂಡೆ ಇದ್ದರು.