ಬಿಜೆಪಿಯವರದು ಓಟ್‌ ಬ್ಯಾಂಕ್‌ ರಾಜಕಾರಣ

Team Udayavani, Jul 20, 2017, 5:50 AM IST

ಬೆಂಗಳೂರು: ಬಿಜೆಪಿಯವರು ಕರಾವಳಿಯಲ್ಲಿ ಓಟ್‌ ಬ್ಯಾಂಕ್‌ ರಾಜಕಾರಣ ಮಾಡುತ್ತಿದ್ದು, ಹೀಗಾಗಿ ಸತ್ತವರನ್ನು ಬದುಕಿಸುತ್ತಾರೆ. ಬದುಕಿದವರನ್ನು ಸಾಯಿಸುತ್ತಾರೆ ಎಂದು ಆಹಾರ ಮತ್ತು ನಾಗರಿಕ ಪೂರೈಕೆ ಸಚಿವ ಯು.ಟಿ ಖಾದರ್‌ ಹೇಳಿದ್ದಾರೆ. ಬಿಜೆಪಿ ಸಂಸದೆ ಶೋಭಾ ಕರಂದ್ಲಾಜೆ ಕೇಂದ್ರ ಗೃಹ ಸಚಿವರಿಗೆ ಬರೆದ ಪತ್ರದಲ್ಲಿ ಜೀವಂತ ಇರುವ ವ್ಯಕ್ತಿಯನ್ನು ಸತ್ತಿದ್ದಾರೆ ಎಂದು ನಮೂದಿಸಿ, ಇದುವರೆಗೂ ರಾಜ್ಯದಲ್ಲಿ ಹೋಗಿದ್ದ ಬಿಜೆಪಿ ಮರ್ಯಾದೆ ದೇಶದಲ್ಲಿಯೂ ಹೋಗುವಂತೆ ಮಾಡಿದ್ದಾರೆ ಎಂದು ಆರೋಪಿಸಿದರು.

ಬಿಜೆಪಿಯವರಿಗೆ ರಾಜ್ಯ ಸರ್ಕಾರದ ವಿರುದ್ಧ ಮಾತನಾಡಲು ಯಾವುದೇ ವಿಷಯಗಳು ಸಿಗುತ್ತಿಲ್ಲ. ಇದುವರೆಗೂ ಸಾಲ ಮನ್ನಾ ಮಾಡುವಂತೆ ಆಗ್ರಹಿಸಿದ್ದರು. ಈಗ ಸಾಲ ಮನ್ನಾ ಮಾಡ ಲಾಗಿದೆ. ಅಲ್ಲದೇ ಸರ್ಕಾರ ಜನಪರ ಯೋಜನೆಗಳನ್ನು ಜಾರಿಗೆ ತಂದಿರುವುದರಿಂದ ಸರ್ಕಾರದ ವಿರುದಟಛಿ ಮಾತನಾಡಲು ಯಾವುದೇ ವಿಷಯವಿಲ್ಲ. ಹೀಗಾಗಿ ಜನರ ದಾರಿ ತಪ್ಪಿಸಲು ಓಟ್‌ ಬ್ಯಾಂಕ್‌ ರಾಜಕಾರಣಕ್ಕೆ ಮುಂದಾಗಿದ್ದಾರೆ. ಕರ್ನಾಟಕದ ಜನ ಮೂರ್ಖರಲ್ಲ ಎಂದು ಖಾದರ್‌ ಹೇಳಿದರು.