ಮಲಗಿದ್ದ ದಂಪತಿ ಚಿತ್ರೀಕರಣಕ್ಕೆ ಯತ್ನಿಸಿದವನ ಸೆರೆ

Team Udayavani, May 21, 2017, 11:32 AM IST

ಬೆಂಗಳೂರು: ಮಲಗಿದ್ದ ದಂಪತಿಯ ವಿಡಿಯೋ ಚಿತ್ರೀಕರಣ ಮಾಡುತ್ತಿದ್ದ ಅಪಾರ್ಟ್‌ಮೆಂಟ್‌ನ ಭದ್ರತಾ ಸಿಬ್ಬಂದಿಯನ್ನು ಎಚ್‌ಎಎಲ್‌ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಮತ್ತೂಬ್ಬ ಆರೋಪಿ ತಲೆ ಮರೆಸಿಕೊಂಡಿದ್ದು ಹುಡುಕಾಟ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಜಗದೀಶ್‌ ನಗರದ ನಿವಾಸಿ ಮುತ್ತರಾಜ್‌ (26) ಬಂಧಿತ. ಮತ್ತೂಬ್ಬ ಆರೋಪಿ ಉತ್ತರ ಭಾರತ ಮೂಲದ ಅಭಿಲಾಶ್‌ (25) ತಲೆ ಮರೆಸಿಕೊಂಡಿದ್ದಾನೆ.  ಆರೋಪಿಗಳಿಬ್ಬರು ಆದಿತ್ಯ ಸ್ವೆ„ನ್‌ ಅಪಾರ್ಟ್‌ಮೆಂಟ್‌ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದರು. ಮೇ 17ರಂದು ಫ್ಲಾಟ್‌ನ ಕೋಣೆಯಲ್ಲಿ ದಂಪತಿ ಮಲಗಿದ್ದರು.

ಈ ವೇಳೆ ಆರೋಪಿಗಳು ಫ್ಲಾಟ್‌ನ ಕಿಟಕಿ ಏರಿ ಮೊಬೈಲ್‌ನಲ್ಲಿ ದಂಪತಿ ಮಲಗಿದ್ದ ವಿಡಿಯೋ ತೆಗೆಯಲು ಮುಂದಾಗಿದ್ದಾರೆ. ಇದನ್ನು ಕಂಡ ದಂಪತಿ ಕೂಗಿಕೊಂಡಿದ್ದಾರೆ. ಆರೋಪಿಗಳು ಗಾಬರಿಗೊಂಡು ಪರಾರಿಯಾಗಲು ಯತ್ನಿಸಿದರು. ಕೂಡಲೇ ಸ್ಥಳಕ್ಕೆ ಬಂದ ಅಕ್ಕ-ಪಕ್ಕದ ನಿವಾಸಿಗಳು ಆರೋಪಿಗಳ ಪೈಕಿ ಮುತ್ತುರಾಜ್‌ನನ್ನು ಹಿಡಿದು ಹಿಗ್ಗಾಮುಗ್ಗಾ ಥಳಿಸಿ ಪೊಲೀಸರಿಗೊಪ್ಪಿಸಿದ್ದಾರೆ. ಅಭಿಲಾಶ್‌ ನಾಪತ್ತೆಯಾಗಿದ್ದಾನೆ.