“ದಿ ಲೆಜೆಂಡ್ಸ್‌ ಆಫ್ ಎ ಸ್ಟಾರ್ಟ್‌-ಅಪ್‌ ಗೈ’ ಪುಸ್ತಕ ಬಿಡುಗಡೆ

Team Udayavani, Mar 11, 2019, 6:30 AM IST

ಬೆಂಗಳೂರು: ಮಹಿಳಾ ಉದ್ಯಮಿ ಮತ್ತು ಯುವ ಲೇಖಕಿ ಪ್ರಾಚಿ ಗಾರ್ಗ್‌ ಅವರ “ದಿ ಲೆಜೆಂಡ್ಸ್‌ ಆಫ್ ಎ ಸ್ಟಾರ್ಟ್‌-ಅಪ್‌ ಗೈ’ ಪುಸ್ತಕವನ್ನು ನಗರದಲ್ಲಿ ಭಾನುವಾರ ಬಿಡುಗಡೆಗೊಳಿಸಲಾಯಿತು. ರೆಸಿಡೆನ್ಸಿ ರಸ್ತೆಯ ಸಪ್ನಾ ಬುಕ್‌ಹೌಸ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಾಫ್ಟವೇರ್‌ ಎಂಜಿನಿಯರ್‌ ಪವನ್‌ಪಂಡಿತ್‌ ಮತ್ತು ಲೇಖಕಿ ಪ್ರಾಚಿ ಗಾರ್ಗ್‌ ಅವರು ನೂತನ ಕೃತಿ ಲೋಕಾರ್ಪಣೆ ಮಾಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಾಚಿ ಗಾರ್ಗ್‌, “ದಿ ಲೆಜೆಂಡ್ಸ್‌ ಆಫ್ ಎ ಸ್ಟಾರ್ಟ್‌-ಅಪ್‌ ಗೈ’ ಒಂದು ವಿಭಿನ್ನ ಕಥೆಯಾಗಿದ್ದು, ಪೌರಾಣಿಕ ಪಾತ್ರಗಳ ಮೂಲಕ ಉದ್ಯಮಶೀಲತೆ ಬಗ್ಗೆ ಹೇಳಲಾಗಿದೆ. ಉದ್ಯಮದಲ್ಲಿ ತೊಡಗುವ ವೇಳೆ ಏಳು-ಬೀಳುಗಳು ಸಾಮಾನ್ಯ. ಆದರೆ ಇದಕ್ಕೆ ಹೆದರಬಾರದು. ಬಂಡವಾಳ ಹೂಡಿಕೆ ಬಗ್ಗೆ ನಮಗೆ ಅರಿವಿರಬೇಕು. ಸಣ್ಣ ಉದ್ಯಮ ಸ್ಥಾಪಿಸುವ ಮೂಲಕ ಅಡಿಯಿಡಬೇಕು. ಹೀಗೆ ಮಾಡಿದರೆ ಉದ್ಯಮದಲ್ಲಿ ಯಶಸ್ಸು ಸಾಧಿಸಲು ಸಾಧ್ಯ ಎಂದರು.