ವಿವಿಧೆಡೆ ಇಂದು ವಿದ್ಯುತ್‌ ವ್ಯತ್ಯಯ

Team Udayavani, Jul 23, 2018, 12:06 PM IST

ಬೆಂಗಳೂರು: ತುರ್ತು ನಿರ್ವಹಣೆ ಕಾರ್ಯದ ಹಿನ್ನೆಲೆಯಲ್ಲಿ ಸೋಮವಾರ (ಜು. 23), ಮಂಗಳವಾರ, ಗುರುವಾರ ಹಾಗೂ ಶುಕ್ರವಾರ ಬೆಳಗ್ಗೆ 10ರಿಂದ ಸಂಜೆ 5ರವರೆಗೆ ಈ ಕೆಳಕಂಡ ಪ್ರದೇಶದಲ್ಲಿ ವಿದ್ಯುತ್‌ ವ್ಯತ್ಯಯ ಉಂಟಾಗಲಿದ್ದು, ಸಾರ್ವಜನಿಕರು ಸಹಕರಿಸಬೇಕು ಎಂದು ಬೆಸ್ಕಾಂ ಮನವಿ ಮಾಡಿದೆ.

ರಾಜಾಜಿನಗರ ಮೆಟ್ರೋ ನಿಲ್ದಾಣ ರಸ್ತೆ, ಸ್ವಾತಿ ಹೋಟೆಲ್‌ ರಸ್ತೆ, ಮಹಾಲಕ್ಷ್ಮೀ ಲೇಔಟ್‌, ಭೋವಿಪಾಳ್ಯ ಪೈಪ್‌ಲೈನ್‌, ಭೋವಿಪಾಳ್ಯ ಪ್ರವೇಶ ದ್ವಾರ, ಮಹಾಲಕ್ಷ್ಮೀ ಲೇಔಟ್‌ ಉಪನೋಂದಣಾಧಿಕಾರಿ ರಸ್ತೆ, ಪೈಪ್‌ಲೈನ್‌ ಪಾರ್ಕ್‌ ರಸ್ತೆ, ನಾಗಪುರ ಮುಖ್ಯರಸ್ತೆ, ಮೋದಿ ಆಸ್ಪತ್ರೆ, ವಾಟರ್‌ ಟ್ಯಾಂಕ್‌ ರಸ್ತೆ,

ಮಹಾಲಕ್ಷ್ಮೀ ಲೇಔಟ್‌ ಪೊಲೀಸ್‌ ಠಾಣೆ ಮತ್ತು ಸುತ್ತಮುತ್ತಲ ಪ್ರದೇಶ, ಅಂಚೆ ಕಚೇರಿ ರಸ್ತೆ, ವಿದ್ಯಾಭಾರತಿ ಶಾಲೆ ರಸ್ತೆ, ನಂದಿನಿ ಲೇಔಟ್‌ 1, 2, 3, 4ನೇ ಬ್ಲಾಕ್‌, ಕಂಠೀರವ ನಗರ, ರಾಮಕೃಷ್ಣ ನಗರ ರಸ್ತೆ, ವರ್ತುಲ ರಸ್ತೆ, ಡಾ.ರಾಜ್‌ಕುಮಾರ್‌ ಸಮಾಧಿ ರಸ್ತೆ ಮತ್ತು ಸುತ್ತಮುತ್ತಲ ಪ್ರದೇಶಗಳಲ್ಲಿ ವಿದ್ಯುತ್‌ ಪೂರೈಕೆ ಸ್ಥಗಿತಗೊಳ್ಳಲಿದೆ.

ಸೋಮವಾರ ವಿದ್ಯುತ್‌ ಕಡಿತ: ಎಚ್‌ಎಸ್‌ಆರ್‌ ಲೇಔಟ್‌ 1ನೇ ಮತ್ತು 2ನೇ ಸೆಕ್ಟರ್‌ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸೋಮವಾರ ಬೆಳಗ್ಗೆ 10ರಿಂದ ಸಂಜೆ 4ರವರೆಗೆ ವಿದ್ಯುತ್‌ ಕಡಿತ ಉಂಟಾಗಲಿದೆ.