ಕ್ಯಾಮ್ಲಿನ್‌ನಿಂದ 2 ಇನ್‌ 1 ಜ್ಯಾಮಿಟ್ರಿ ಬಾಕ್ಸ್‌ ಬಿಡುಗಡೆ

Team Udayavani, Jan 27, 2019, 7:26 AM IST

ಬೆಂಗಳೂರು:ದೇಶದ ಪ್ರೀಮಿಯರ್‌ ಸ್ಟೇಷನರಿ ಬ್ರ್ಯಾಂಡ್‌ ಎನಿಸಿರುವ ಕೊಕುಯೊ ಕ್ಯಾಮ್ಲಿನ್‌ ಲಿ., ಶಾಲಾ ಮಕ್ಕಳಿಗಾಗಿ ನೆಚ್ಚಿನ ಉತ್ಪನ್ನ್ನ ‘2 ಇನ್‌ 1 ಜಾಮಿಟ್ರಿ ಮತ್ತು ಪೆನ್ಸಿಲ್‌ ಬಾಕ್ಸ್‌’ ಬಿಡುಗಡೆ ಮಾಡಿದೆ.

ಇತ್ತೀಚೆಗೆ ನಗರದ ಮಾಲ್‌ವೊಂದರಲ್ಲಿ ಕೊಕುಯೊ ಕ್ಯಾಮ್ಲಿನ್‌ ಸಂಸ್ಥೆಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಸತೀಶ್‌ ವೀರಪ್ಪ ಅವರು ಜಾಮಿಟ್ರಿ ಮತ್ತು ಪೆನ್ಸಿಲ್‌ ಬಾಕ್ಸ್‌ ಎರಡನ್ನೂ ಒಂದೇ ಬಾಕ್ಸಿನಲ್ಲಿರುವ ವಿನೂತನ ಪರಿಕರವನ್ನು ಅನಾವರಣಗೊಳಿಸಿ ಮಾತನಾಡಿದರು. ದಿನಂಪ್ರತಿ ಜ್ಯಾಮಿಟ್ರಿ ಬಾಕ್ಸ್‌ ಅನ್ನು ಬಳಕೆ ಮಾಡುವ ವಿದ್ಯಾರ್ಥಿ ಮತ್ತು ಶಿಕ್ಷಕ ವೃಂದದಿಂದ ಅಭಿಪ್ರಾಯಗಳು ಮತ್ತು ಸಲಹೆಗಳನ್ನು ಪಡೆದುಕೊಂಡು ಈ 2 ಇನ್‌ 1 ಜ್ಯಾಮಿಟ್ರಿ ಬಾಕ್ಸ್‌ ಅನ್ನು ಆವಿಷ್ಕರಿಸಲಾಗಿದೆ. ಇದನ್ನು ಮಕ್ಕಳೊಂದಿಗೆ ಬಿಡುಗಡೆ ಮಾಡಲು ಹೆಮ್ಮೆ ಎನಿಸುತ್ತದೆ. ದಕ್ಷತಾಶಾಸ್ತ್ರಕ್ಕೆ ಅನುಗುಣವಾಗಿ ಬಾಕ್ಸ್‌ ವಿನ್ಯಾಸ ಗೊಳಿಸಲಾಗಿದ್ದು, ಮುರಿದು ಹೋಗದಿರು ವಂತಹ ಗಟ್ಟಿ ಪ್ಲಾಸ್ಟಿಕ್‌ನಿಂದ ತಯಾರಿಸಲಾಗಿದೆ. ಇದರಲ್ಲಿ ಪೆನ್ಸಿಲ್‌ಗ‌ಳಿಗೆ ಪ್ರತ್ಯೇಕವಾದ ಭಾಗ ವಿದ್ದು, ಜ್ಯಾಮಿಟ್ರಿ ಪರಿಕರಗಳಿಗೆ ಮತ್ತೂಂದು ಕಂಪಾರ್ಟ್‌ ಮೆಂಟ್ ಇದೆ. ಮಕಳು ತಮ್ಮ ಪಠ್ಯ ಚಟುವಟಿಕೆ ಗಳೊಂದಿಗೆ ಎರಡೆರಡು ಬಾಕ್ಸ್‌ ತೆಗೆದುಕೊಂಡು ಹೋಗಬೇಕಾದ ಸಮಸ್ಯೆಗೂ ಪರಿಹಾರ ನೀಡಲಿದೆ ಎಂದರು.

ಸಂಸ್ಥೆಯ ಮುಖ್ಯ ಮಾರುಕಟ್ಟೆ ಅಧಿಕಾರಿ ಸೌಮಿತ್ರ ಪ್ರಸಾದ್‌ ಅವರು ಮಾತನಾಡಿ, ನಮ್ಮ ತಂಡ ನಿರಂತರವಾಗಿ ಮಕ್ಕಳು ಮತ್ತು ಶಿಕ್ಷಕರೊಂದಿಗೆ ಬೆರೆತು ಅವರ ಸಲಹೆಗಳ ಮೇರೆಗೆ ಆವಿಷ್ಕರಿಸಿದ ಜ್ಯಾಮಿಟ್ರಿ ಬಾಕ್ಸ್‌ ಇದಾಗಿದೆ. ಶೈಕ್ಷಣಿಕ ವರ್ಷ ಆರಂಭವಾಗುವ ಮುನ್ನವೇ ದೇಶಾದ್ಯಂತ ಈ ಹೊಸ ಜ್ಯಾಮಿಟ್ರಿ ಬಾಕ್ಸ್‌ ಅನ್ನು ವಿತರಣೆ ಮಾಡಲಾಗುತ್ತದೆ ಎಂದು ಹೇಳಿದರು.