ಬಿಇಎಲ್‌ ಘಟಕಕ್ಕೆ ಕೇಂದ್ರ ರಕ್ಷಣಾ ಸಚಿವೆ ಭೇಟಿ

Team Udayavani, Jan 10, 2018, 12:02 PM IST

ಬೆಂಗಳೂರು: ಕೇಂದ್ರದ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಮಂಗಳವಾರ ಭಾರತ್‌ ಎಲೆಕ್ಟ್ರಾನಿಕ್ಸ್‌ ಲಿಮಿಟೆಡ್‌ನ‌(ಬಿಇಎಲ್‌) ವಿವಿಧ ಯುನಿಟ್‌ಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಆಡಳಿತ ಮಂಡಳಿಯ ಹಿರಿಯ ಅಧಿಕಾರಿಗಳಿಂದ ಮಿಸೇಲ್‌ ಹಾಗು ರ್ಯಾಡಾರ್‌ಗಳ  ತಯಾರಿಕೆ ಬಗ್ಗೆ ಮಾಹಿತಿ ಪಡೆದರು.

ಬಿಇಎಲ್‌ನಿಂದ ಈಗಾಗಲೇ ಕೈಗೆತ್ತಿಕೊಂಡಿರುವ ಯೋಜನೆ ಹಾಗೂ ಭವಿಷ್ಯದ ಯೋಜನೆ, ಮಿಸೇಲ್‌ ಹಾಗೂ ರ್ಯಾಡರ್‌ ಟೆಸ್ಟಿಂಗ್‌ ಸಿಸ್ಟಮ್‌,  ಮೂಲಸೌಕರ್ಯ, ಉತ್ಪಾದನೆ, ಪರೀಕ್ಷಾ ವ್ಯವಸ್ಥೆ, ಸಿಬ್ಬಂದಿ ಹಾಗೂ ಆಡಳಿತವರ್ಗ, ಸಂಶೋಧನೆ, ಅಭಿವೃದ್ಧಿ ಹಾಗೂ ಗುಣಮಟ್ಟ ಮತ್ತು ವ್ಯವಹಾರದ ಬಗ್ಗೆ ಅಧಿಕಾರಿಗಳಿಂದ ಮಾಹಿತಿ ಪಡೆದರು.

ಅಕ್ಷ ಮಿಸೇಲ್‌ ಯೋಜನೆ ಮತ್ತು ಇತರೆ ರ್ಯಾಡರ್‌ ಯೋಜನೆಯಲ್ಲಿ ಬಿಇಎಲ್‌ನ ಮಹಿಳಾ ಉದ್ಯೋಗಿಗಳು ತೊಡಗಿಸಿಕೊಂಡಿರುವುದಕ್ಕೆ ಸಚಿವರು ಪ್ರಶಂಸೆ ವ್ಯಕ್ತಪಡಿಸಿ, ಅವರ ಕಠಿಣ ಪರಿಶ್ರಮವನ್ನು ಶ್ಲಾ ಸಿದ್ದಾರೆ. ಮಿಲಿಟರಿ ರ್ಯಾಡರ್‌ ಹಾಗೂ ಮಿಸೇಲ್‌ ಸಿಸ್ಟಮ್‌ ಸ್ಟಾಟಜಿಕ್‌ ಬಿಸಿನೆಟ್‌ ಯುನಿಟ್‌, ನ್ಯೂ ನಿಯರ್‌ ಫೀಲ್ಡ್‌ ಟೆಸ್ಟ್‌ ಫೆಸಿಲಿಟಿ, ಮೈಕ್ರೋವೇವ್‌ ಸುಪರ್‌ಕಂಪೋನೆಂಟ್‌, ಕೋಸ್ಟಲ್‌ ಸರ್ವೇಲೆನ್ಸ್‌ ಸಿಸ್ಟೆಮ್‌ ಫೆಸಿಲಿಟಿಸ್‌ಗಳನ್ನು ಪರಿಶೀಲಿಸಿದರು.