Arrested: ನಾಯಿಗಳು ಆಟೋ ಸೀಟ್ ಕಚ್ಚಿದ್ದಕ್ಕೆ ಮಹಿಳೆ ಮೇಲೆ ಹಲ್ಲೆ: ಚಾಲಕ ಸೆರೆ
Team Udayavani, Oct 27, 2024, 12:14 PM IST
ಬೆಂಗಳೂರು: ನಾಯಿ ವಿಚಾರಕ್ಕೆ ನಡೆದ ಜಗಳದ ವೇಳೆ ಮಹಿಳೆಯೊಬ್ಬರ ಮೇಲೆ ಹಲ್ಲೆ ಮಾಡಿದ್ದ ಆರೋಪದ ಮೇಲೆ ಆಟೋ ಚಾಲಕನನ್ನು ಸುಬ್ರಮಣ್ಯಪುರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಆಟೋ ಚಾಲಕ ಮಂಜ (30) ಬಂಧಿತ ಆರೋಪಿ. ವಸಂತಪುರ ನಿವಾಸಿ ಅಮುದಾ ಎಂಬುವರು ನೀಡಿದ ದೂರಿನನ್ವಯ ಮಂಜ ಸೇರಿ ನಾಲ್ವರ ವಿರುದ್ಧ ಎಫ್ಐಆರ್ ದಾಖಲಿಸಿಕೊಂಡಿದ್ದ ಪೊಲೀಸರು, ಆರೋಪಿ ಮಂಜನನ್ನು ಬಂಧಿಸಿದ್ದಾರೆ.
ಪಕ್ಕದ ಮನೆ ನಿವಾಸಿಗಳಾದ ಮಂಜ, ವಿಜಯಲಕ್ಷ್ಮೀ ಆಗಾಗ್ಗೆ ಜಗಳ ತೆಗೆದು ವಿನಾಕಾರಣ ಅಮುದಾಗೆ ದೂರು ನೀಡುತ್ತಿದ್ದರು. ಇದೇ ರೀತಿ ಅ.24 ರ ಸಂಜೆ 4 ಗಂಟೆಯ ಸಮಯದಲ್ಲಿ ನಮ್ಮ ಮನೆಗೆ ನುಗ್ಗಿ ನಮ್ಮ ಮಕ್ಕಳ ಜತೆ ಜಗಳವಾಡಿ ಅವಾಚ್ಯಶಬ್ದಗಳಿಂದ ಬೈದು, ಕೈಗಳಿಂದ ಹೊಡೆದು ಹಲ್ಲೆ ಮಾಡಿ ಪ್ರಾಣ ಬೆದರಿಕೆ ಹಾಕಿದ್ದಾರೆ ಎಂದು ಅಮುದಾ ದೂರಿನಲ್ಲಿ ಆರೋಪಿಸಿದ್ದಾರೆ.
ಅಮುದಾ ತಮ್ಮ ಮನೆಯಲ್ಲಿ ಐದಾರು ನಾಯಿ ಗಳನ್ನು ಸಾಕಿದ್ದಾರೆ. ಅಲ್ಲದೆ ಬೀದಿ ನಾಯಿಗಳಿಗೂಗೂ ಕೂಡ ಊಟ ಹಾಕುತ್ತಿದ್ದರು. ಮಂಜ ತನ್ನ ಆಟೋ ನಿಲ್ಲಿಸಿದ್ದಾಗ ನಾಯಿಗಳ ಹಿಂಡು ಸೀಟ್ ಕವರ್ ಕಚ್ಚಿ ಹಾಕಿತ್ತು. ಇದನ್ನು ಪ್ರಶ್ನೆ ಮಾಡಲು ಹೋದಾಗ ಎರಡು ಕುಟುಂಬಗಳ ನಡುವೆ ಮಾತಿನ ಚಕಮಕಿ ನಡೆದು ಗಲಾಟೆಯಾಗಿದ್ದು, ಈ ವೇಳೆ ಕೋಪಗೊಂಡ ಮಂಜ ಮಹಿಳೆಯ ಮೇಲೆ ಹಲ್ಲೆ ನಡೆಸಿದ್ದಾನೆ ಎನ್ನಲಾಗಿದೆ. ಮಂಜ ಹಲ್ಲೆ ನಡೆಸುವುದನ್ನು ಅಮುದಾ ಮಗಳು ವಿಡಿಯೋ ಮಾಡಿಕೊಂಡಿದ್ದು, ಅದನ್ನು ಅಮುದಾ ಪರಿಚಿತರೊಬ್ಬರಿಗೆ ಶೇರ್ ಮಾಡಿದ್ದಾರೆ. ಅವರು ಆ ವಿಡಿಯೋವನ್ನು ತಮ್ಮ ಎಕ್ಸ್ಖಾತೆಯಲ್ಲಿ ಹಂಚಿಕೊಂಡು ಕ್ರಮ ಜರುಗಿಸುವಂತೆ ನಗರ ಪೊಲೀ ಸರಿಗೆ ಟ್ಯಾಗ್ ಮಾಡಿದ್ದರು. ವಿಡಿಯೋ ವೈರಲ್ ಆಗುತ್ತಿದಂತೆ ಆರೋಪಿ ಮಂಜನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Darshan Thoogudeepa: ನವೆಂಬರ್ನಲ್ಲಿ ದರ್ಶನ್ ಎರಡು ಸಿನಿಮಾ ರೀರಿಲೀಸ್
Tobacco Cessation Centre: ವೈದ್ಯಕೀಯ ಕಾಲೇಜು ಆಸ್ಪತ್ರೆಗಳಲ್ಲಿ ತಂಬಾಕು ವರ್ಜನ ಕೇಂದ್ರ
Kundapura: ಟೆನಿಸ್ ಬಾಲ್ ಕ್ರಿಕೆಟ್ ಆಡುತ್ತಿದ್ದ ಹುಡುಗನೀಗ ರಣಜಿ ಆಟಗಾರ
Puttur: ನೆಲ್ಯಾಡಿ-ಪೆರಿಯಶಾಂತಿ; ತಿರುಗಿ ತಿರುಗಿ ಸುಸ್ತು!
Test: ಟೀಂ ಇಂಡಿಯಾ ಕೊನೆಯ ಬಾರಿಗೆ ಟೆಸ್ಟ್ ಸರಣಿ ವೈಟ್ವಾಶ್ ಆಗಿದ್ದು ಯಾವಾಗ ಗೊತ್ತಾ?
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.