ಐದು ಜನ ಅಂತರ್ ರಾಜ್ಯ ಗಾಂಜಾ ಮಾರಾಟಗಾರರ ಬಂಧನ

Team Udayavani, Oct 23, 2021, 4:52 PM IST

ವಿಜಯಪುರ:  ಐದು ಜನ ಅಂತರ್ ರಾಜ್ಯ ಗಾಂಜಾ  ಮಾರಾಟಗಾರರನ್ನು ಹೊಸಕೋಟೆ ಪೊಲೀಸರು ಮಿಂಚಿನ  ಕಾರ್ಯಾಚರಣೆಯಲ್ಲಿ ಬಂಧಿಸಿದ್ದಾರೆ.

ಹೊಸಕೋಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ಸೂಲಿಬೆಲೆ  ರಸ್ತೆಯಲ್ಲಿರುವ ರಾಘವೇಂದ್ರ ಚಿತ್ರ ಮಂದಿರ ಬಳಿ ಅ.15 ಮತ್ತು 20 ರಂದು ಮಧ್ಯಾಹ್ನ 3.30_ರ ಸಮಯದಲ್ಲಿ  ಹೊಸಕೋಟೆ ಪೊಲೀಸ್ ಠಾಣಾ ಆರಕ್ಷಕ ನಿರೀಕ್ಷಕರಾದ  ಎಸ್.ಆರ್ ಮಂಜುನಾಥ್ ಖಚಿತ ಮಾಹಿತಿ ಮೇರೆಗೆ ಪರಿಶೀಲಿಸಿದಾಗ ಇಬ್ಬರು ಆರೋಪಿಗಳು ಆಟೋ ನಿಲ್ಲಿಸಿಕೊಂಡು ಮಾದಕ  ವಸ್ತುವಾದ ಗಾಂಜಾವನ್ನು ಗಿರಾಕಿಗಳಿಗೆ ಮಾರಾಟ ಮಾಡಲು  ರಸ್ತೆಯ ಪಕ್ಕ ಇದ್ದಿದ್ದು ತಿಳಿದುಬಂತು. ಈ ಮಾಹಿತಿ ಅನುಸರಿಸಿ ಮುಂದುವರೆದಾಗ ಆರೋಪಿಗಳು ಕೈ ಸನ್ನೆ ಮಾಡಿ  ಗಿರಾಕಿಗಳನ್ನು ಕರೆಯುತ್ತಿದ್ದರು. ಆ  ಸಮಯದಲ್ಲಿ  ಮಂಜುನಾಥ್ ಮತ್ತು ಪೊಲೀಸ್ ಸಿಬ್ಬಂದಿಗಳು ಅವರನ್ನು  ದಸ್ತಗಿರಿ ಮಾಡಿದ್ದಾರೆ.

ಇವರ ಬಳಿ 2 ಕೆ.ಜಿ ಗಾಂಜಾ ಇದ್ದು  2 ಕೆಜಿಯ 8 ಬಂಡಲ್, 9 ಕೆಜಿಯ 1 ಬಂಡಲ್,  8 ಕೆಜಿಯ 1 ಬಂಡಲ್ ಇತ್ತು. ಪ್ಲಾಸ್ಟಿಕ್  ಗೋಣಿ ಚೀಲದಲ್ಲಿ 14 ಕೆಜಿ 750 ಗ್ರಾಂ, ಇನ್ನೂಂದು ಗೋಣಿ  ಚೀಲದಲ್ಲಿ  5 ಕೆಜಿ 900 ಗ್ರಾಂ ಗಾಂಜಾವನ್ನು ವಶಪಡಿಸಿಕೊಂಡು  ಆರೋಪಿಗಳಾದ ಸುರಾಂಗಿ, ಮೊನಿಪಾಲ್ ರನ್ನು ವಿಚಾರಣೆಗೊಳಪಡಿಸಿದಾಗ ಸತ್ಯಪ್ರದಾನ್, ಮತ್ತು ಕೃಷ್ಣ ಆಟೋ ಡ್ರೈವರ್  ಮತ್ತು ಮೊಬೈಲ್ ಗಳ ಜೊತೆ ಒಟ್ಟು 55 ಕೆಜಿ ಗಾಂಜಾವನ್ನು  ವಶಪಡಿಸಿಕೊಂಡು ಖದೀಮರನ್ನು ಬಂಧಿಸಿದ್ದಾರೆ.