Leopard attack: ದ್ರಾಕ್ಷಿ ತೋಟದಲ್ಲಿದ್ದ ಮೇಕೆ ಬಲಿ

Team Udayavani, Oct 23, 2023, 11:54 AM IST

ದೊಡ್ಡಬಳ್ಳಾಪುರ: ಚಿರತೆಯೊಂದು ದಾಳಿ ನಡೆಸಿದ ಪರಿಣಾಮ ದ್ರಾಕ್ಷಿ ತೋಟದಲ್ಲಿ ಕಟ್ಟಲಾಗಿದ್ದ ಮೇಕೆ ಸಾವನಪ್ಪಿರುವ ಘಟನೆ ತಾಲೂಕಿನ ಹೊನ್ನಾಘಟ್ಟ ಗ್ರಾಮದ ಹೊರವಲಯದಲ್ಲಿ ಆ.22ರ ಭಾನುವಾರ ಸಂಜೆ ನಡೆದಿದೆ.

ಹೊನ್ನಾಘಟ್ಟ ಗ್ರಾಮದ ಜಗನ್ನಾಥ್ ಎನ್ನುವವರಿಗೆ ಸೇರಿದ ದ್ರಾಕ್ಷಿ ತೋಟದಲ್ಲಿ ಮೇಕೆಯನ್ನು ಕಟ್ಟಿ ಮೇಯಿಸಲಾಗುತ್ತಿದ್ದು, ಈ ವೇಳೆ ಚಿರತೆ ದಾಳಿ ನಡೆಸಿದೆ. ಆದರೆ ಮೇಕೆಯನ್ನು ಕಟ್ಟಿದ್ದ ಕಾರಣ ಎಳೆದೊಯ್ಯಲಾಗದೆ ಅಲ್ಲಿಯೇ ಮೇಕೆ ಕುತ್ತಿಗೆಗೆ ಬಾಯಿ ಹಾಕಿ ರಕ್ತ ಹೀರಿದೆ.

ಇದೇ ಸಂದರ್ಭದಲ್ಲಿ ಮೇಕೆ ಕೂಗಾಟ ಕಂಡು ಮಧು ಎನ್ನುವವರು ಸ್ಥಳಕ್ಕೆ ತೆರಳಿದ್ದು, ಚಿರತೆ ಗಾಬರಿಗೊಂಡು ಪರಾರಿಯಾಗಿದೆ‌.

ಈ ಕುರಿತಂತೆ ಪ್ರತಿಕ್ರಿಯೆ ನೀಡಿರುವ ಮುಖಂಡ ತಳಗವಾರ ಪುನೀತ್, ಅನೇಕ ದಿನಗಳಿಂದ ಈ ವ್ಯಾಪ್ತಿಯಲ್ಲಿ ಚಿರತೆ ಹಾವಳಿ ಕಂಡು ಬರುತ್ತಿದ್ದು, ಅರಣ್ಯ ಇಲಾಖೆಗೆ ದೂರು ನೀಡಿದ್ದರೂ  ಯಾವುದೇ ಕ್ರಮಕೈಗೊಳ್ಳದೇ ಬೇಜವಬ್ದಾರಿಯಿಂದ ವರ್ತಿಸುತ್ತಿದ್ದಾರೆಂದು ಆರೋಪಿಸಿದ್ದಾರೆ.