ನೀರು ಪೋಲು ತಡೆದ ಕೋತಿ!

Team Udayavani, Feb 10, 2022, 4:34 PM IST

ದೇವನಹಳ್ಳಿ: ಸಿಂಟೆಕ್ಸ್‌ಗಳಿಗೆ ಅಳವಡಿಸಿರುವ ಟ್ಯಾಬ್‌ ತಿರುಗಿಸಿ ನೀರು ಕುಡಿದು, ನಂತರ ನೀರು ಬಂದ್‌ ಮಾಡಿ ಹೋಗುವ ಮಂಗ ಕಂಡು ಬಂದಿದ್ದು ತಾಲೂಕಿನ ಕುಂದಾಣ ಗ್ರಾಪಂ ಕಚೇರಿ ಆವರಣದಲ್ಲಿ. ಬೇಸಿಗೆಯಲ್ಲಿ ನೀರಿನ ಮೌಲ್ಯ ಸಾರಿದ ಕೋತಿರಾಯ.

ತಾಲೂಕಿನ ಕುಂದಾಣ ಗ್ರಾಪಂ ಕಚೇರಿಯ ಆವರಣದಲ್ಲಿ ಅಳವಡಿಸಲಾಗಿರುವ ಚೈಲ್ಡ್ ಅಂಡ್‌ ಯೋಜನೆಯಲ್ಲಿ ಕೈ ತೊಳೆಯುವ ನೀರಿನ ಸಿಂಟೆಕ್ಸ್‌  ಅಳವಡಿಸಲಾಗಿದೆ. ಗ್ರಾಪಂ ಕಟ್ಟಡದ ಮೇಲೆ ಚಂಗನೆ ಜಿಗಿದು ಕೆಳಕ್ಕಿಳಿದು ಸಿಂಟೆಕ್ಸ್‌ಗೆ ಅಳವಡಿಸಿರುವ ಟ್ಯಾಪ್‌ ತಿರುಗಿಸಿ ನೀರು ಕುಡಿದು, ನಂತರ ನೀರು ಬಂದ್‌ ಮಾಡಿ ಅಲ್ಲಿಂದ ಹೋಗುತ್ತವೆ. ನೀರು ಅತ್ಯಮೂಲ್ಯವೆಂದು ಗೊತ್ತಿದ್ದೂ ನಾವು (ಮನುಷ್ಯರು) ನೀರನ್ನು ಮಿತವಾಗಿ ಬಳಸುವುದಿಲ್ಲ.

ನಲ್ಲಿಯಲ್ಲಿ ನಿರಂತರವಾಗಿ ನೀರು ಬರುತ್ತಿದ್ದರೆ ಬೇಕಾಬಿಟ್ಟಿಯಾಗಿ ಬಳಸುವುದು, ನೀರು ಖಾಲಿಯಾದಾಗ ನೀರಿಗಾಗಿ ತದಕಾಡುವುದು, ಪರಿತಪಿಸುವುದು, ಖಾಲಿ ಕೊಡ ಹಿಡಿದು ಹಾಹಾಕಾರ, ಪ್ರತಿಭಟನೆ ಇವೆಲ್ಲಾ ಸಾಮಾನ್ಯ ಎಂಬಂತಾಗಿದೆ. ಮಂಗಗಳು ನೀರು ಉಳಿಸಲು ಜಾಣತನ ಪ್ರದರ್ಶಿಸುತ್ತಾ ಜನರನ್ನು ಆಶ್ಚರ್ಯಗೊಳಿಸುತ್ತಿವೆ