ರಸ್ತೆ ಅಪಘಾತ: ಮೂವರ ಸಾವು

Team Udayavani, Mar 15, 2018, 6:30 AM IST

ನೆಲಮಂಗಲ: ಬೆಂಗಳೂರು-ತುಮಕೂರು ರಾಷ್ಟ್ರೀಯಾ ಹೆದ್ದಾರಿ ನಾಲ್ಕರ ನವಯುಗ ಟೋಲ್‌ ಬಳಿ ಸುಂಕ ಪಾವತಿಸಲು ಸರದಿ ಸಾಲಿನಲ್ಲಿ ನಿಂತಿದ ಕಾರುಗಳಿಗೆ ಹಿಂಬದಿಯಿಂದ ಅತಿ ವೇಗವಾಗಿ ಬಂದ ಕಂಟೈನರ್‌ ಲಾರಿ ಚಾಲಕರ ನಿಯಂತ್ರಣ ತಪ್ಪಿ ಕಾರುಗಳಿಗೆ ಡಿಕ್ಕಿ ಹೊಡೆದ ಪರಿಣಾಮ ಮೂರು ಜನ ಸ್ಥಳದಲ್ಲೇ ಸಾವನ್ನಪ್ಪಿ$ಉಳಿದ ನಾಲ್ಕೂ ಜನ ತೀವ್ರವಾಗಿ ಗಾಯ ಗೊಂಡಿರು ಬೀಕರ ಘಟನೆ ನಡೆದಿದೆ.

ಮೃತರನ್ನು ಗುರದೇವ್‌,ಮಂಜುನಾಥ್‌ (35), ಶ್ರೀನಿವಾಸ್‌ (36) ಬೆಂಗಳೂರು ನಿವಾಸಿಗಳೆಂದು ಗುರುತಿಸಲಾಗಿದೆ. ಕುಣಿಗಲ್‌ನಲ್ಲಿ ಜಾತ್ರೆ ಮುಗಿಸಿಕೊಂಡು ಬೆಂಗಳೂರು ವಾಪಾಸ್‌ ಬರುತ್ತಿದ್ದಾಗ ದುಘಟನೆ ಸಂಭವಿಸಿದೆ. ಈ ಘಟನೆಯಿಂದ ಕೆಲ ಘಂಟೆಗಳ ಕಾಲ ಸಂಚಾರ ವಿಳಂಬವಾಗಿತ್ತು. ಅಪಘಾತಕ್ಕೊಳಗಾದ ಕಾರುಗಳು ಸಂಪೂರ್ಣ ಜಕ್ಕಂಗೊಂಡಿದೆ. ಸ್ಥಳಕ್ಕೆ ಬಂದ ನೆಲಮಂಗಲ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಕಂಟೈನರ್‌ ಚಾಲಕನ್ನು ಬಂಧಿಸಿ ವಾಹನವನ್ನು ವಶಪಡಿಸಿಕೊಂಡಿದ್ದಾರೆ.