ಕೋವಿಡ್-19 ಲಾಕ್ ಡೌನ್ ದಲ್ಲಿ ರಾಜ್ಯ ಸಾರಿಗೆಗೆ 2652 ಕೋಟಿ ರೂ. ನಷ್ಟ: ಡಿಸಿಎಂ ಸವದಿ

Team Udayavani, Jul 11, 2020, 2:36 PM IST

ಚಿಕ್ಕೋಡಿ: ಕೋವಿಡ್-19ರಲ್ಲಿ ಸಾರಿಗೆ ಇಲಾಖೆಗೆ 2652 ಕೋಟಿ ನಷ್ಟವಾಗಿದೆ. ಆದರೂ ಸಹ ಸಾರಿಗೆ ಸಿಬ್ಬಂದಿಗೆ ಪ್ರತಿ ತಿಂಗಳು 320 ಕೋಟಿ ರೂ. ಸಂಬಳ ನೀಡಲು ಸರಕಾರ ಬದ್ಧವಾಗಿದೆ ಎಂದು ಉಪಮುಖ್ಯಮಂತ್ರಿ ಹಾಗೂ ಸಾರಿಗೆ ಸಚಿವ ಲಕ್ಷ್ಮಣ ಸವದಿ ಸ್ಪಷ್ಟಪಡಿಸಿದರು.

ನಿಪ್ಪಾಣಿಯಲ್ಲಿ ಮಾತನಾಡಿದ ಅವರು. ರಾಜ್ಯದಲ್ಲಿ ಸಾರಿಗೆ ಇಲಾಖೆಯಲ್ಲಿ1.30 ಲಕ್ಷ ಸಿಬ್ಬಂದಿಗಳು ಕಾರ್ಯನಿರ್ವಹಿಸುತ್ತಾರೆ. ಸಿಬ್ಬಂದಿಗೆ ಯಾವುದೇ ಪರಿಸ್ಥಿಯಲ್ಲಿ ಸಂಬಳ ನಿಲ್ಲಿಸುದಿಲ್ಲ. ಸಾರಿಗೆ ಇಲಾಖೆಗೆ ಎಷ್ಟೇ ಆರ್ಥಿಕ ಸಂಕಷ್ಟ ಬಂದರೂ ಸಹ ಸಿಬ್ಬಂದಿಗಳಿಗೆ ಸಮರ್ಪಕ ವೇತನ ನೀಡಲಾಗುತ್ತದೆ ಎಂದರು.

ಕೋವಿಡ್ ದಲ್ಲಿ ಜನ ಬರದೇ ಇರಬಹುದು ಆದರೇ ಗ್ರಾಮೀಣ ಪ್ರದೇಶದ ಜನರಿಗೆ ಸಾರಿಗೆ ಸೇವೆ ನೀಡಲು ಇಲಾಖೆ ಸನ್ನದ್ದಾಗಿದೆ ಎಂದ ಅವರು, ಸಾರಿಗೆ ಇಲಾಖೆ ನಷ್ಟದಲ್ಲಿದೆ ಎಂದು ಸಿಬ್ಬಂದಿಗೆ ರಜೆ ನೀಡಲಾಗುವ ಪ್ರಸ್ತಾವಣೆ ಸರಕಾರದ ಮುಂದೆ ಇಲ್ಲ ಎಂದರು.