ಭೀಕರ ರಸ್ತೆ ಅಪಘಾತ: ರಜೆಗೆಂದು ಊರಿಗೆ ಬಂದಿದ್ದ ಯೋಧ ದುರ್ಮರಣ

Team Udayavani, Jul 12, 2022, 12:54 PM IST

ಬೆಳಗಾವಿ: ಸಮೀಪದ ರಾಕಸಕೊಪ್ಪ-ಬೆಳಗುಂದಿ ರಸ್ತೆಯಲ್ಲಿ ಸೋಮವಾರ ಮಧ್ಯರಾತ್ರಿ ಸಂಭವಿಸಿ ಭೀಕರ ರಸ್ತೆ ಅಪಘಾತದಲ್ಲಿ ಯೋಧನೋರ್ವ ಮೃತಪಟ್ಟ ಘಟನೆ ನಡೆದಿದೆ.

ಬೆಳಗುಂದಿ ಗ್ರಾಮದ ಓಂಕಾರ್ ಮಹಾದೇವ ಹಿಂಡಲಗೇಕರ (23 ವ) ಎಂಬ ಯೋಧ ಮೃತಪಟ್ಟಿದ್ದಾನೆ. 10 ದಿನಗಳ ಹಿಂದೆ‌ಯಷ್ಟೇ ರಜೆ‌ ಮೇಲೆ‌ ಬಂದಿರುವ ಈ‌ ಯೋಧ ಬೆಳಗುಂದಿಗೆ ಹೋಗುವಾಗ ಕಾರು‌ ಮರಕ್ಕೆ‌ ಡಿಕ್ಕಿ ಹೊಡೆದು ಪಲ್ಟಿಯಾಗಿ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಕಾರಿನ ವೇಗ ಎಷ್ಟಿತ್ತೆಂದರೆ ಕಾರು ಸಂಪೂರ್ಣ ನಜ್ಜುಗುಜ್ಜಾಗಿದೆ.

ಇದನ್ನೂ ಓದಿ:ಡಿಕೆಶಿ ಅವರೇ, ಹೆತ್ತ ತಾಯಿಯ ಎಚ್ಚರಿಕೆಯನ್ನು ಸ್ವಲ್ಪ ಗಮನಿಸಿ..: ಕಾಲೆಳೆದ ಬಿಜೆಪಿ

ನಾಲ್ಕು ವರ್ಷಗಳ ಹಿಂದೆಯೇ ಭಾರತೀಯ ಸೇನೆಗೆ ಸೇರಿದ್ದನು.‌ ಸಹೋದರನ ಮದುವೆಗಾಗಿ 10‌ ದಿನಗಳ ಹಿಂದೆ ಊರಿಗೆ ಬಂದಿದ್ದನು. ಕಡೋಲಿಯಲ್ಲಿ ತನ್ನ ಮವನ ಮನೆಯಿಂದ‌ ವಾಪಸ್ ಬೆಳಗುಂದಿಗೆ ಬರುವಾಗ ಸೋಮವಾರ ರಾತ್ರಿ‌ 12 ಗಂಟೆ‌ ಸುಮಾರಿಗೆ ದುರ್ಘಟನೆ ಸಂಭವಿಸಿದೆ.‌