ವೈದ್ಯರ ಮುಷ್ಕರಕ್ಕೆ ಹೊರ ರೋಗಿಗಳ ತಪಾಸಣೆ ಬಂದ್‌

Team Udayavani, Nov 9, 2019, 12:00 PM IST

ಮೂಡಲಗಿ: ಬೆಂಗಳೂರಿನ ಮಿಂಟೋ ಆಸ್ಪತ್ರೆ ವೈದ್ಯರ ಬಂದ್‌ ಕರೆಗೆ ಐಎಂಎ ಸಂಘಟನೆಗಳ ಇಲ್ಲಿಯ ಆಸ್ಪತ್ರೆಗಳು ಶುಕ್ರವಾರ ಹೊರ ರೋಗಿಗಳ ತಪಾಸಣೆ ಬಂದ್‌ ಮಾಡಿ ವೈದ್ಯರ ಮುಷ್ಕರಕ್ಕೆ ಬೆಂಬಲ ವ್ಯಕ್ತಪಡಿಸಿದರು.

ಇಲ್ಲಿಯ ಕಲ್ಮೇಶ್ವರ ವೃತ್ತದಿಂದ ಮೂಡಲಗಿ ಶಿಕ್ಷಣ ಸಂಸ್ಥೆಯ ಮುಖ್ಯ ರಸ್ತೆಯಲ್ಲಿ ಸಾಲುಗಟ್ಟಿದ ಬಾಬಣವರ, ಗಂಗಾ, ರಿತಿ, ಗಿರಡ್ಡಿ ವಿವಿಧ ಆಸ್ಪತ್ರೆಗಳು ಬಂದ ಆಚರಿಸಿದರಿಂದ ಅನೇಕ ರೋಗಿಗಳು ಪರದಾಡುವಂತಾಯಿತು.

ನೆರೆ ಹಾವಳಿಯಿಂದ ತತ್ತರಿಸಿದ ಮೂಡಲಗಿ ಸುತ್ತಮೂತ್ತಲಿನ ಅನೇಕ ಗ್ರಾಮಗಳ ಮತ್ತು ಪಟ್ಟಣದಲ್ಲಿ ಡೆಂಘೀ ಜ್ವರ ಹಾವಳಿ ಹೆಚ್ಚಾದ ಸಂದರ್ಭದಲ್ಲಿ ಆಸ್ಪತ್ರೆಗಳ ಮುಷ್ಕರದಿಂದ ರೋಗಿಗಳು ಪರದಾಡಿರುವುದು ಕಂಡು ಬಂದಿದೆ. ವಿಷೇಶ ಸೌಲಭ್ಯ ಹೊಂದಿ ಆಸ್ಪತ್ರೆಗಳನ್ನು ನಂಬಿದ ರೋಗಿಗಳು ನಿರಾಶೆ ಹೊಂದಿ ಆಯುಷ್‌ ವೈದ್ಯರ ಕಡೆ ಚಿಕಿತ್ಸೆ ಪಡೆಯುವಂತಾಯಿತು. ಮೂಡಲಗಿ ಪಟ್ಟಣದಲ್ಲಿ 20 ರಿಂದ 25 ಆಯುಷ್‌ ವೈದ್ಯರು ಮುಷ್ಕರದಲ್ಲಿ ಭಾಗವಹಿಸದೆ ದಿನ ನಿತ್ಯದಂತೆ ಕಾರ್ಯ ನಿರ್ವಹಿಸಿದರಿಂದ ರೋಗಿಗಳಿಗೆ ಅನುಕೂಲವಾಯಿತು.