ವಿವಿಧ ಬೇಡಿಕೆ ಈಡೇರಿಕೆಗೆ ಆಗ್ರಹ

Team Udayavani, Nov 28, 2019, 2:03 PM IST

ಚಿಕ್ಕೋಡಿ: ವಿವಿಧ ಬೇಡಿಕೆ ಈಡೇರಿಕೆಗೆ ಆಗ್ರಹಿಸಿ ಕರ್ನಾಟಕ ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ ಚಿಕ್ಕೋಡಿ ಜಿಲ್ಲಾ ಘಟಕದ ಪದಾಧಿಕಾರಿಗಳು ಡಿಡಿಪಿಐ ಮೋಹನಕುಮಾರ ಹಂಚಾಟೆಗೆ ಮನವಿ ಸಲ್ಲಿಸಿದರು.

ಶೈಕ್ಷಣಿಕ ಜಿಲ್ಲೆಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾಧ್ಯಾಯರು ವರ್ಗಾವಣೆಅಥವಾ ನಿವೃತ್ತಿ ಹೊಂದಿದಾಗ ಹುದ್ದೆಯ ಉಸ್ತುವಾರಿಯನ್ನು ಸಹ ಶಿಕ್ಷಕರು ನಿಭಾಯಿಸುತ್ತಿದ್ದು, ಹುದ್ದೆಯ ಉಸ್ತುವಾರಿ ನೀಡಲು ಕ್ಷೇತ್ರ ಶಿಕ್ಷಣಾ ಧಿಕಾರಿಗಳಿಗೆ ಆದೇಶ ನೀಡಬೇಕು. 2008ರಲ್ಲಿ ಎಚ್‌ ಆರ್‌ಎಸ್‌ ಜಾರಿಯಾದರೂ ಇಲ್ಲಿಯವರಿಗೆ ಗುರುವೃಂದ ಸೇವಾ ಪುಸ್ತಕಗಳು ಎಚ್‌ಆರ್‌ಎಸ್‌ನಲ್ಲಿ ಅಳವಡಿಸಿಲ್ಲ, ಸರ್ಕಾರದ ಎಲ್ಲ ಯೋಜನೆಗಳನ್ನು ಯಶಸ್ವಿಗೊಳಿಸುವಲ್ಲಿ ಸತತ ಪ್ರಯತ್ನ ಗುರುವೃಂದ ಮಾಡುತ್ತಿದ್ದು,ಆದರೆ ಸೇವಾ ಪುಸ್ತಕಗಳು ಎಚ್‌ಆರ್‌ ಎಸ್‌ನಲ್ಲಿ ಅಳವಡಿಸದೇ ಇರುವುದು ವಿಷಾಧನೀಯವಾಗಿದೆ ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.

ಕೆಲವೊಂದು ತಾಲೂಕಿನಲ್ಲಿ ಎಸ್‌ ಎಸ್‌ಎ ಅನುದಾನ ವೇತನಕ್ಕೆ ಕೊರತೆ ಇದ್ದು, ಅದನ್ನು ಸರಿಪಡಿಸಬೇಕು. ಶಿಕ್ಷಣಅದಾಲತ ಕಾರ್ಯಕ್ರಮ ಪ್ರಚಾರಪಡಿಸಿ ಅರ್ಥಪೂರ್ಣವಾಗಿ ಹಮ್ಮಿಕೊಳ್ಳಬೇಕು ಎಂದು ಶಿಕ್ಷಕರ ಸಂಘಟನೆ ಡಿಡಿಪಿಐ ಅವರನ್ನು ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಸಂಘದ ಜಿಲ್ಲಾಧ್ಯಕ್ಷ ಜಿ.ಎಂ. ಹಿರೇಮಠ, ಪ್ರಧಾನ ಕಾರ್ಯದರ್ಶಿ ಎಸ್‌.ಎಂ.ಲೋಕನ್ನವರ, ಉಪಾಧ್ಯಕ್ಷವಿ.ಜಿ.ಗುರುವ, ವೈ.ಎಸ್‌.ಬುಡ್ಡಗೋಳ ಸೇರಿದಂತೆ ಇತರರು ಇದ್ದರು.