ಮಸೀದಿಯಲ್ಲಿ ಅಯ್ಯಪ್ಪ ಸ್ವಾಮಿ ಪೂಜೆ

Team Udayavani, Feb 13, 2021, 3:57 PM IST

ಹೂವಿನಹಡಗಲಿ: ಅಯ್ಯಪ್ಪ ಸ್ವಾಮಿ ಮಾಲಾಧಾರಿಗಳು ಮಸೀದಿಯೊಂದರಲ್ಲಿ ಪೂಜೆ ಸಲ್ಲಿಸಿ ಭಾವೈಕ್ಯತೆ ಸಾರಿದ ಘಟನೆ ಬಳ್ಳಾರಿ ಜಿಲ್ಲೆ ಹೂವಿನಹಡಗಲಿ ತಾಲೂಕಿನ ನಾಗತಿಬಸಾಪುರ ಗ್ರಾಮದಲ್ಲಿ ನಡೆದಿದೆ.

ಸ್ಥಳೀಯ ಮುಸ್ಲಿಂ ಯುವಕರು ಮಸೀದಿಯಲ್ಲಿ ಪೂಜೆ ನೆರವೇರಿಸಲು ವ್ಯವಸ್ಥೆ ಮಾಡಿದ್ದರು. 20ಕ್ಕೂ ಹೆಚ್ಚು ಅಯ್ಯಪ್ಪ ಮಾಲಾಧಾರಿಗಳು ಸುಮಾರು 2 ಗಂಟೆಗಳ ಕಾಲ ನಿರಂತರ ಅಯ್ಯಪ್ಪಸ್ವಾಮಿ ಭಜನೆ ಮಾಡಿ, ಪೂಜೆ ನೆರವೇರಿಸಿದರು. ಈ ಭಾವೈಕ್ಯತಾ ಕಾರ್ಯಕ್ರಮದಲ್ಲಿ ಅಯ್ಯಪ್ಪ ಸ್ವಾಮಿ ವೃತಾಧಾರಿಗಳಾದ ಬ್ರಹ್ಮಾನಂದ, ಸಂತೋಷ, ಸಿದ್ದೇಶ, ನೀಲಪ್ಪ, ನಾಗರಾಜ, ಮನೋಹರ, ಫ‌ಕ್ಕಿರಜ್ಜ ,ಅಜ್ಜಪ್ಪ ಹಾಗೂ ದೊಡ್ಡಮನಿ ಅಕºರ್‌, ಪತ್ರಕರ್ತರಾದ ಬಿಚ್ಚುಗತ್ತಿ ಖಾಜಾಹುಸೇನ, ದಯಾನಂದ ಎಂ., ಆನಂದ ಬಿ., ಶಿಕ್ಷಕ ರಮೇಶ, ರಹಮತ್‌, ಫ‌ಕ್ಕಿರ್‌ಸಾಬ್‌ ಅಲ್ಲಾಭಕ್ಷಿ ದೊಡ್ಡಮನಿ ಲತೀಫ್‌ ಶೌಕತ್‌ಅಲಿ, ಭಾಷಾಸಾಬ್‌ ಇತರರು ಭಾಗವಹಿಸಿದ್ದರು.

ನಂತರ ಮಸೀದಿಯಲ್ಲಿ ಎಲ್ಲರಿಗೂ ಪ್ರಸಾದ ವಿತರಿಸಲಾಯಿತು. ಮಸೀದಿಯಲ್ಲಿ ಹಮ್ಮಿಕೊಂಡ ಅಯ್ಯಪ್ಪ ಸ್ವಾಮಿ ಮಂಡಲ ಪೂಜೆ ಭಾವೈಕ್ಯತೆಯ ಸಂದೇಶ ಸಾರಿತು.