ಮೇಲ್ಮನೆ ಚುನಾವಣೆ ಮತ ಎಣಿಕೆ ಇಂದು

Team Udayavani, Dec 14, 2021, 6:36 PM IST

ಬಳ್ಳಾರಿ: ಸ್ಥಳೀಯ ಸಂಸ್ಥೆಗಳಿಂದಬಳ್ಳಾರಿ-ವಿಜಯನಗರ ಮತಕ್ಷೇತ್ರಕ್ಕೆ ನಡೆದ ವಿಧಾನಪರಿಷತ್‌ ಚುನಾವಣೆಯ ಮತ ಎಣಿಕೆ ಕಾರ್ಯಡಿ. 14ರಂದು ಮಂಗಳವಾರ ನಡೆಯಲಿದ್ದು,ಮತಪೆಟ್ಟಿಗೆಯಲ್ಲಿ ಭದ್ರವಾಗಿದ್ದ ಅಭ್ಯರ್ಥಿಗಳ ಭವಿಷ್ಯಮಂಗಳವಾರ ಬಹಿರಂಗವಾಗಲಿದೆ.

ನಗರದ ಸರ್ಕಾರಿ ಪಾಲಿಟೆಕ್ನಿಕ್‌ ಕಾಲೇಜಿನಲ್ಲಿ ಮತಎಣಿಕೆ ಕಾರ್ಯಕ್ಕೆ ಜಿಲ್ಲಾಡಳಿತ ಸಕಲ ಸಿದ್ಧತೆ ಕೈಗೊಂಡಿದೆ.ಹತ್ತು ಟೇಬಲ್‌ಗ‌ಳಲ್ಲಿ ಎಣಿಕೆ ಕಾರ್ಯ ನಡೆಯಲಿದೆ.ಬೆಳಗ್ಗೆ 8 ಗಂಟೆಯಿಂದ ಆರಂಭವಾಗಲಿರುವ ಎಣಿಕೆಕಾರ್ಯದಲ್ಲಿ ಮೊದಲಿಗೆ ಎಲ್ಲ ಮತಪೆಟ್ಟಿಗೆಗಳನ್ನುತೆರೆದು ಮತಪತ್ರಗಳನ್ನು ಒಂದರಲ್ಲಿ ಹಾಕಿ ಕಲಿಸಿ ಇಂತಿಷ್ಟು ಮತಗಳ ಬಂಡಲ್‌ಗ‌ಳನ್ನು ಕಟ್ಟಲಾಗುತ್ತದೆ. ನಂತರ ಬಂಡಲ್‌ಗ‌ಳನ್ನು ತೆರೆದು ಮತ ಎಣಿಕೆ ನಡೆಯಲಿದೆ.

ಬಹುಶಃ ಮಧ್ಯಾಹ್ನದ ವೇಳೆಗೆಎಣಿಕೆ ಕಾರ್ಯ ಪೂರ್ಣಗೊಂಡು ಫಲಿತಾಂಶಹೊರಬರಬಹುದು. ಮತ ಎಣಿಕೆ ಕಾರ್ಯಕ್ಕೆಈಗಾಗಲೇ ಸಿಬ್ಬಂದಿ ನಿಯೋಜಿಸಲಾಗಿದ್ದು, ಅಗತ್ಯತರಬೇತಿಯನ್ನು ನೀಡಲಾಗಿದೆ. ಇನ್ನು ಎಣಿಕೆ ಕೇಂದ್ರಕ್ಕೆಬರುವ ಅಭ್ಯರ್ಥಿಗಳ ಏಜೆಂಟರಿಗೂ ಈ ಕುರಿತುಅಗತ್ಯ ಮಾಹಿತಿ ನೀಡಲಾಗಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ