ಹೆಚ್ಚುವರಿ ಎಸ್‌ಪಿ ಲಾವಣ್ಯರಿಗೆ ಬೀಳ್ಕೊಡುಗೆ

Team Udayavani, Jan 11, 2022, 6:14 PM IST

ಬಳ್ಳಾರಿ: ಕಳೆದ ಮೂರು ವರ್ಷಗಳಿಂದ ಬಳ್ಳಾರಿಯಲ್ಲಿ ಹೆಚ್ಚುವರಿ ಪೊಲೀಸ್‌ ವರಿಷ್ಠಾಧಿಕಾರಿಯಾಗಿ ಸೇವೆ ಸಲ್ಲಿಸಿ ಇದೀಗ ಬೆಂಗಳೂರಿನ ರಾಜ್ಯಗುಪ್ತಚರ ಇಲಾಖೆಗೆವರ್ಗಾವಣೆಯಾಗಿರುವ ಬಿ.ಎನ್‌.ಲಾವಣ್ಯ ಅವರನ್ನು ಬಳ್ಳಾರಿ ಪೊಲೀಸ್‌ ಇಲಾಖೆವತಿಯಿಂದ ಸೋಮವಾರ ಸಂಜೆ ಸನ್ಮಾನಿಸಿ ಹೃತೂ³ರ್ವಕವಾಗಿ ಬೀಳ್ಕೊಡಲಾಯಿತು.

ಜಿಲ್ಲಾ ಪೊಲೀಸ್‌ ವರಿಷ್ಠಾ ಧಿಕಾರಿ ಸೈದುಲು ಅಡಾವತ್‌ ಅವರು ಎಎಸ್ಪಿ ಬಿ.ಎನ್‌.ಲಾವಣ್ಯ ಅವರನ್ನು ಸನ್ಮಾನಿಸಿ ಅವರ ಮುಂದಿನ ಸೇವೆಗೆ ಶುಭಕೋರಿದರು. ಈಸಂದರ್ಭದಲ್ಲಿ ಮಾತನಾಡಿದ ಎಸ್ಪಿ ಸೈದುಲು ಅಡಾವತ್‌ ಅವರು ಕಳೆದ ಮೂರುವರ್ಷ ಎರಡು ತಿಂಗಳಿಂದ ಜಿಲ್ಲೆಯಲ್ಲಿ ಎಎಸ್ಪಿಯಾಗಿ ಲಾವಣ್ಯ ಅವರು ಉತ್ತಮವಾಗಿಕೆಲಸ ಮಾಡಿದ್ದಾರೆ.

ಅವರು ಅತ್ಯಂತ ಕ್ರಿಯಾಶೀಲರಾಗಿದ್ದರು ಮತ್ತು ಅವರೊಂದಿಗಿನಸೇವೆಯನ್ನು ಈ ಸಂದರ್ಭದಲ್ಲಿ ಸ್ಮರಿಸಿದರು. ಡಿವೈಎಸ್ಪಿಗಳಾದ ರಮೇಶಕುಮಾರ,ಕಾಶಿ ಅವರು ಕೂಡ ಎಎಸ್ಪಿ ಲಾವಣ್ಯ ಅವರ ಸೇವೆಯನ್ನು ಸ್ಮರಿಸಿದರು. ಸನ್ಮಾನಸ್ವೀಕರಿಸಿದ ಎಎಸ್ಪಿ ಬಿ.ಎನ್‌.ಲಾವಣ್ಯ ಅವರು ಬಳ್ಳಾರಿಯಲ್ಲಿ ಸಲ್ಲಿಸಿದ ಸೇವೆ ಸದಾಸ್ಮರಣೀಯವಾಗಿರುವಂತದ್ದು ಎಂದರು. ಪೊಲೀಸ್‌ ಇಲಾಖೆಯ ವಿವಿಧ ಹಂತದಅ ಧಿಕಾರಿಗಳು ಮತ್ತು ಸಿಬ್ಬಂದಿ ಇದ್ದರು.