ರಾಜೀನಾಮೆಗೆ 7 ಸದಸ್ಯರ ನಿರ್ಧಾರ

Team Udayavani, Jan 31, 2021, 3:43 PM IST

ಕೊಟ್ಟೂರು: ಬಿಜೆಪಿಯ 7 ಸದಸ್ಯರು ರಾಜೀನಾಮೆ ನೀಡಲು ಮುಂದಾಗಿದ್ದಾರೆ ಎಂದು ಪಪಂ ಸದಸ್ಯ ಈಶ್ವರಗೌಡ್ರು ತಿಳಿಸಿದರು.
ಪಟ್ಟಣದಲ್ಲಿ ಶನಿವಾರ ಪಪಂ ನೂತನ ಸದಸ್ಯ ಬೋರ್‌ವೆಲ್‌ ತಿಪ್ಪೇಸ್ವಾಮಿ ಅವರ ನಿವಾಸದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಹಗರಿಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರದಲ್ಲಿ ನಮಗೆ ಸೂಕ್ತ ನಾಯಕರ ಕೊರತೆ ಇದೆ. ಮೊದಲೇ ನಮ್ಮ ಭಾಗದ ಬಿಜೆಪಿ ನಾಯಕರ ಕಾರ್ಯವೈಖರಿ ಸರಿ ಇಲ್ಲ. ವಿಶ್ವಾಸವೂ ಇಲ್ಲ ಎಂದು ಆಕ್ಷೇಪ ವ್ಯಕ್ತಪಡಿಸಿದರು.ನೂತನ ನಾಮನಿರ್ದೇಶನ ಮಾಡಿದ ಸದಸ್ಯರ ಹೆಸರುಗಳನ್ನು ನಮ್ಮ ಗಮನಕ್ಕಿಲ್ಲ. ಮುಂದಿನ ದಿನಗಳಲ್ಲಿ ವಿಧಾನಸಭೆಗೆ ತೆರಳಿ ನಮ್ಮ ಭಾಗಕ್ಕೆ ಉತ್ತಮ ನಾಯಕರನ್ನು ಗುರಿತಿಸಿ ಕೊಡಿ ಎಂದು ಮನವಿ ಸಲ್ಲಿಸುತ್ತೇವೆ ಎಂದರು.

ಈ ಸಂದರ್ಭದಲ್ಲಿ ರಾಜೀನಾಮೆ ನೀಡಲು ಮುಂದಾಗಿರುವ ಸದಸ್ಯರಾದ ಈಶ್ವರ ಗೌಡ್ರು, ವಿನಯ್‌ ಕುಮಾರ್‌, ಬೋರ್‌ವೆಲ್‌ ತಿಪ್ಪೇಸ್ವಾಮಿ, ಸಿದ್ದಯ್ಯ, ಮರಬದ ಕೊಟ್ರೇಶ್‌, ವೀಣಾ ವಿವೇಕಾನಂದ ಗೌಡ, ಇಂದಿರಾ ಭರ್ಮಪ್ಪ ಮತ್ತಿತರಿದ್ದರು.

ಓದಿ : ಕುಷ್ಟರೋಗ ಗುಣವಾಗುವ ಕಾಯಿಲೆ: ದೊಡಮನಿ