ಹೊಸಪೇಟೆ: ಪತಿಯೊಂದಿಗೆ ವಾಕಿಂಗ್‌ ಹೋಗುತ್ತಿದ್ದ ವೃದ್ಧೆಯ ಮಾಂಗಲ್ಯ ಸರ ಕಿತ್ತೊಯ್ದ ಸರಗಳ್ಳರು

Team Udayavani, Jun 6, 2022, 8:13 PM IST

ಹೊಸಪೇಟೆ: ಪತಿಯೊಂದಿಗೆ ವಾಕಿಂಗ್ ತೆರಳಿದ್ದ ವೃದ್ಧ ಮಹಿಳೆಯೊಬ್ಬರ ಬೆಲೆ ಬಾಳುವ ಮಾಂಗಲ್ಯ ಸರವನ್ನು ಸರಗಳ್ಳರು ಕಿತ್ತೊಯ್ದ ಘಟನೆ ನಗರದ ಆಕಾಶವಾಣಿಯ ಮದಕರಿ ನಾಯಕ ಶಾಲೆಯ ಹತ್ತಿರ ಸೋಮವಾರ ( ಜೂ.6 ರಂದು) ನಡೆದಿದೆ.

ನಗರದ ನಿವಾಸಿ ದತ್ತಾತ್ರೇಯ ಎಂಬುವರು ಪತ್ನಿಯೊಂದಿಗೆ ವಾಕಿಂಗ್ ತೆರಳಿದ್ದಾಗ ಮಂಕಿಕ್ಯಾಪ್ ಧರಿಸಿ, ಪಲ್ಸರ್ ಬೈಕ್‌ನಲ್ಲಿ ಬಂದ ಸರಗಳ್ಳರು, ಮಹಿಳೆಯ ಕೊರಳಲ್ಲಿದ್ದ ಸುಮಾರು 35 ಗ್ರಾಂ ತೂಕದ 1,20,000 ರೂ. ಬೆಲೆ ಬಾಳುವ ಮಾಂಗಲ್ಯ ಸರವನ್ನು ಕಿತ್ತುಕೊಂಡು ಪರಾರಿಯಾಗಿದ್ದಾರೆ.

ಈ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದ್ದು, ಚೈನ್ ಕಿತ್ತುಕೊಂಡ ಹೋದ ರಭಸದಲ್ಲಿ ಮಹಿಳೆ ನೆಲಕ್ಕುರುಳಿ ಬಿದ್ದು ಗಾಯಗೊಂಡಿದ್ದಾರೆ.

ನಗರದ ಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.