ಸರಳತೆಯ ಮೌಲ್ಯಗಳಿಗೆ ಮನ್ನಣೆ ಸಿಗಲಿ: ಸ್ವಾಮೀಜಿ

Team Udayavani, Jul 4, 2017, 10:44 AM IST

ಹಗರಿಬೊಮ್ಮನಹಳ್ಳಿ: ಸರಳ ಸಾಮೂಹಿಕ ವಿವಾಹಗಳು ಬಡವರ ಪಾಲಿನ ವರಗಳಾಗಿವೆ ಎಂದು ನಿಡುಮಾಮಿಡಿ ಮಠದ ವೀರಭದ್ರ ಚನ್ನಮಲ್ಲ ಸ್ವಾಮೀಜಿ ಹೇಳಿದರು.

ಪಟ್ಟಣದ ಗುರುಭವನದಲ್ಲಿ ದೇವದಾಸಿ ವಿಮೋಚನೆ ಸಂಘ ಮತ್ತು ಡಾ| ಜ್ಯೋತಿಬಸು ಸೇವಾ ಟ್ರಸ್ಟ್‌ನಿಂದ ನಡೆದ ದೇವದಾಸಿ ಮಕ್ಕಳ ಸರಳ ಸಾಮೂಹಿಕ ಮದುವೆ ಸಮಾರಂಭದಲ್ಲಿ ಅವರು ಮಾತನಾಡಿದರು. ದೇವದಾಸಿ ಪದ್ಧತಿ, ಅಸ್ಪೃಶ್ಯತೆ ಸಾಮಾಜಿಕ ಪಿಡುಗುಗಳಾಗಿದ್ದು, ಸರಕಾರ ಅನಿಷ್ಟ ಪದ್ದತಿ ಹೋಗಲಾಡಿಸಲು ಕಟ್ಟುನಿಟ್ಟಿನ ಕ್ರಮ 
ಕೈಗೊಳ್ಳಬೇಕಿದೆ. ಸರಳ ಸಾಮೂಹಿಕ ವಿವಾಹಗಳು ಪ್ರಜಾಸತ್ತತೆಯ ಆದರ್ಶಗಳು. ಸರಳತೆಯ ಮೌಲ್ಯಗಳಿಗೆ ಮನ್ನಣೆ ಸಿಗಬೇಕು. ಸರಳ ಸಾಮೂಹಿಕ ವಿವಾಹಗಳು, ಸಾಂಪ್ರಾದಾಯಿಕ ವಿವಾಹಗಳಿಂದ ಶ್ರೇಷ್ಠವಾದವುಗಳು. ಕುಟುಂಬಗಳು ಸುಖಮಯ ಜೀವನಸಾಗಿಸಬೇಕಾದರೆ ಸೊಸೆ ಮಗಳಾಬೇಕು, ಅತ್ತೆ ತಾಯಿಯಂತಾದರೆ ಮನೆಗಳು ಹೊಡೆಯುವುದಿಲ್ಲ. ಭೌತಿಕವಾಗಿ ಪರಾವಲಂಬಿಗಳಾಗಬಾರದು. ವಿವೇಕತನದಿಂದ ಪ್ರಜ್ಞಾಪೂರ್ವಕವಾಗಿ ನಡೆದುಕೊಳ್ಳಬೇಕು. ವಿಚಾರಗಳಲ್ಲಿ ಬದಲಾವಣೆಯಾದರೆ ಮಾತ್ರ ಬದುಕು ಬದಲಾವಣೆಯಾಗುತ್ತದೆ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ 7ಜೋಡಿಗಳು ನೂತನ ದಾಂಪತ್ಯಕ್ಕೆ ಕಾಲಿರಿಸಿದರು. ಮಾಜಿ ಶಾಸಕ ಜಿ.ವಿ.ರಾಮರೆಡ್ಡಿ , ಸಿಐಟಿಯು ತಾಲೂಕು ಅಧ್ಯಕ್ಷ ಎಸ್‌.ಜಗನ್ನಾಥ್‌ ಪ್ರಾಸ್ತಾವಿಕ ಮಾತನಾಡಿದರು. ಪ್ರಾಂತ ರೈತ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಯು. ಬಸವರಾಜ, ಪಟ್ಟಣದ ಪ್ರಥಮದರ್ಜೆ ಕಾಲೇಜಿನ ಕನ್ನಡ ವಿಭಾಗದ ಪ್ರಾಧ್ಯಾಪಕ ಡಾ| ಸತೀಶ್‌ ಪಾಟೀಲ, ಕೊಟ್ಟೂರೇಶ್ವರ ವಿದ್ಯಾಸಂಸ್ಥೆಯ ಮುಖ್ಯಗುರು ಅಕ್ಕಿ ಬಸವೇಶ ಮಾತನಾಡಿದರು. ದೇವದಾಸಿ ವಿಮೋಚನಾ ಸಂಘದ ರಾಜ್ಯಾಧ್ಯಕ್ಷೆ ಬಿ.ಮಾಳಮ್ಮ, ದಲಿತ ಹಕ್ಕುಗಳ ಸಮಿತಿ ಅಧ್ಯಕ್ಷ ಗೋಪಾಲಕೃಷ್ಣ ಅರಳಿಹಳ್ಳಿ, ದೇವದಾಸಿ ವಿಮೋಚನೆ ಸಂಘದ ರಾಜ್ಯ ಕಾರ್ಯದರ್ಶಿ ಟಿ.ವಿ. ರೇಣುಕಾ, ಸಿಐಟಿಯು ರಾಜ್ಯ ಉಪಾಧ್ಯಕ್ಷ ಆರ್‌.ಎಸ್‌. ಬಸವರಾಜ,
ಸಮಿತಿಯ ಜಿಲ್ಲಾ ಸಂಚಾಲಯ ಎಂ.ಜಂಬಯ್ಯ ನಾಯ್ಕ, ಬರಹಗಾರ ಹುರುಕಡ್ಲಿ ಶಿವಕುಮಾರ, ಎಸ್ಸಿಎಸ್ಟಿ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಸೋಮಶೇಖರ್‌, ದೇವದಾಸಿ ವಿಮೋಚನಾ ಸಂಘದ ತಾಲೂಕು ಅಧ್ಯಕ್ಷೆ ಎಚ್‌.ಬಿ. ಮೈಲಮ್ಮ, ಜನವಾದಿ ಮಹಿಳಾ ಸಂಘಟನೆಯ ಜಿಲ್ಲಾಧ್ಯಕ್ಷೆ ಮಂಜುಳಾ ಹವಾಲ್ದಾರ್‌, ಸಂಘದ ತಾಲೂಕು ಕಾರ್ಯದರ್ಶಿ ಡಿ.ಚಾಂದ್‌ಬಿ, ಬಿ.ಸರೋಜ, ಕಾರ್ಯದರ್ಶಿ ಎಚ್‌.ಮಂಜುನಾಥ ಇತರರಿದ್ದರು.